12:19, 05 - ءساۋىر 2020 | GMT +6
پارازيتكە قارسى ءدارىنىڭ كوروناۆيرۋستى توقتاتا الاتىنى انىقتالدى
نۇر- سۇلتان. قازاقپارات- اۆستراليا عالىمدارى زەرتحانالىق جاعدايدا پارازيتكە قارسى يۆەرمەكتين ءدارىسى كوروناۆيرۋستى ولتىرەتىنىن انىقتادى، دەپ حابارلايدى «حابار 24».
ول 2 كۇننىڭ ىشىندە COVID-19 جاسۋشالارىنىڭ ءبولىنۋىن توقتاتقان. الايدا، ونىڭ ادامعا قولدانعاندا قانداي ناتيجە بەرەتىنى ءالى بەلگىسىز. سوندىقتان عالىمدار زەرتتەۋدى ودان ءارى جالعاستىرۋدى كوزدەپ وتىر.
كايلي ۆاگستاف، عالىم:
- ءبىز زەرتتەۋ بارىسىندا يۆەرمەكتيننىڭ ءبىر مارتە دوزاسى 48 ساعاتتىڭ ىشىندە كوروناۆيرۋستىڭ كوبەيۋىن توقتاتقانىن بايقادىق. ال، العاشقى 24 ساعاتتىڭ ىشىندە ۆيرۋستىڭ تارالۋىن كۇرت ازايتتى. ەندىگى ماقساتىمىز - وسى زەرتحانا جاعدايىندا قولدانىلعان ءدارى مولشەرىن ادامدارعا پايدالانۋعا بولا ما جوق پا سونى انىقتاۋ بولىپ وتىر.
www.24.kz