ەلوردادا قاي ساناتتاعى ازاماتتارعا تەگىن ماسكا بەرىلەدى
«ءبىز ەڭ ءبىرىنشى كەزەكتە دەنساۋلىق ساقتاۋ مينيسترلىگىمەن جانە «س ك- فارماتسيامەن» بىرگە ماسكالاردى مەديتسينالىق قىزمەتكەرلەرگە، بلوك-پوستتاردا ەڭبەك ەتەتىن قىزمەتتەگىلەرگە، قالانى پاترۋلدەيتىن قىزمەتكەرلەرگە، جەدەل جاردەم قىزمەتكەرلەرىنە جانە ءارتۇرلى اۋرۋمەن ەسەپتە تۇرعان ازاماتتارعا تەگىن بەرەمىز. وسى ادامدارعا قازىردىڭ وزىندە 300 مىڭ مەديتسينالىق ماسكا تەگىن تاراتىلدى.
سونداي-اق «Nur Otan» پارتياسىنىڭ ۆولونتەرلارى الەۋمەتتىك تۇرعىدا از قامتىلعان ازاماتتارعا ماسكالاردى تەگىن تاراتادى. ءىرى گيپەرماركەتتەردە 30 مىڭ ماسكا بەردىك. ياعني وسىدان بىلاي سۋپەرماركەتتەر مەن گيپەرماركەتتەرگە قاتاڭ تالاپ قويدىق: ادامدار كىرگەن كەزدە قولىن جۋىپ، سانيتارلىق تالاپتى ساقتاۋى كەرەك»، - دەدى التاي كولگىنوۆ تەنگرينيۋس. ك ز پورتالىنا بەرگەن تىكەلەي ەفيردەگى سۇحباتىندا.
قالا باسشىسى قازىرگى تاڭدا ەلورداعا تاعى 1 ميلليون ماسكا جەتكىزىلگەنىن ايتىپ ءوتتى.
«البەتتە، جەتىسپەۋشىلىك سەزىلەدى. سەبەبى ادامدار ءاۋ باستا ماسكانى جاپپاي ساتىپ الىپ كەتكەن. قازىر ءبىر ادامعا 5 ماسكادان عانا تاراتامىز. ءبىراق ءاربىر ۇساق ءدارىحانادا ماسكا بار دەپ ايتا المايمىن. «ەۆروفارم»، «گيپپوكرات»، «بيوسفەرا» سەكىلدى دارىحانالارمەن جۇمىس جۇرگىزۋدەمىز»، - دەدى ول.
التاي كولگىنوۆ قالاداعى «يۋتاري» كومپانياسى ماسكا تىگە باستاعانىن ءمالىم ەتتى.
«ماسەلە باقىلاۋدا. كەلەسى اپتادا قالامىزعا تاعى دا ماسكالار مەن انتيسەپتيكتەر جەتكىزىلەدى»، - دەدى ول.