قارجى مينيسترلىگى ەلگە ازىق-تۇلىك كىرگىزۋ ءراسىمىن بارىنشا جەڭىلدەتتى
«ەلىمىزگە يمپورتتالاتىن ازىق-تۇلىكتەردى جەتكىزۋ ءۇشىن «جاسىل ءدالىز» جۇمىس ىستەۋدە.
كەدەندىك كەدەرگىلەر جويىلىپ، تەكسەرىستەر مەن تاۋارلاردىڭ قۇنىن باقىلاۋ راسىمدەرى الىنىپ تاستالدى. سونداي-اق، 2020-جىلدىڭ 22- ناۋرىزىنان باستاپ ق ر ۇكىمەتىمەن جەكەلەگەن تاۋارلاردى (قاراقۇمىق، ۇن، قانت، كارتوپ، ءسابىز، شومىر، قىزىلشا، پياز، ورامجاپىراق، كۇنباعىس ءدانى، كۇنباعىس مايى) قازاقستاننان شىعارۋعا تىيىم سالىندى.
ق ر ق م مەملەكەتتىك كىرىستەر كوميتەتى بۇل تاۋارلارعا ەكسپورتتىق كەدەندىك باقىلاۋدى كۇشەيتىپ، «استانا-1» ەلەكتروندى دەكلاراتسيالاۋدىڭ اقپاراتتىق جۇيەسىندە ولاردى ەكسپورتتاۋعا تىيىم سالدى (بۇل تىيىم ەاەو ەلدەرىنە تاراتىلمايدى)»، دەلىنگەن حابارلامادا.
ق ر قارجى مينيسترلىگى، ق ر ۇ ق ك شەكارا قىزمەتى جانە ق ر دەنساۋلىق ساقتاۋ مينيسترلىگىنىڭ بىرلەسكەن شەشىمى بويىنشا ادەتتەگى جۇيە بويىنشا جۇمىس ىستەيتىن جۇك وتكىزۋ بەكەتتەرى بەلگىلەندى (قالعان بەكەتتەردىڭ جۇمىسى توتەنشە جاعدايعا بايلانىستى 2020-جىلدىڭ 16- ناۋرىزىنان باستاپ ۋاقىتشا توقتاتىلدى).
وسىلايشا، قىتاي حالىق رەسپۋبليكاسى مەن قازاقستان اراسىندا «نۇرلى جول» جانە «دوستىق» وتكىزۋ بەكەتتەرى (اۆتوكولىكتەر ءۇشىن) جۇمىس ىستەۋدە.
وزبەكستان مەن قازاقستان اراسىندا:
«قازىعۇرت»، «قاپلانبەك»، «ب№. قونىسبايەۆ»، «اتامەكەن»، «تاجەن» بەكەتتەرى.
تۇركىمەنستان مەن قازاقستان اراسىندا:
«تەمىر بابا» بەكەتى. رەسەي فەدەراتسياسى مەن قازاقستان اراسىندا «قايراق»، «جاڭا جول»، «قاراقوعا»، «شارباقتى»، «ۇرلىتوبە» ، «قوساق»، «اۋىل»، «ءۇبى»، «جايساڭ»، «الىمبەت»، «سىرىم»، «قۇرمانعازى»، «تاسقالا»، «جانىبەك» بەكەتتەرى جۇمىس ىستەۋدە.
بارلىق حالىقارالىق شەكارا بەكەتتەرىندەگى وتكىزۋ پۋنكتتەرىندە سانيتارلى-كارانتيندىك باقىلاۋ كۇشەيتىلگەن.
اتاپ ايتقاندا: سانيتارلىق-ەپيدەميولوگيالىق قىزمەت جۇمىسشىلارى جۇمىلدىرىلعان، وتكىزۋ بەكەتتەرى جىلۋ سەزگىش قۇرالدار جانە پيرومەترلەرمەن جاراقتاندىرىلعان، ناۋقاس ادامدار انىقتالعان جاعدايدا، ولاردى ۋاقىتشا وقشاۋلاۋعا ارنالعان ەم-شارالىق بولمەلەر قاراستىرىلعان.