توقايەۆ ب ۇ ۇ باس حاتشىسى انتونيۋ گۋتەرريشپەن تەلەفون ارقىلى سويلەستى
تاراپتار الەمدەگى احۋالدىڭ قازىرگىدەي جاۋاپتى كەزەڭىندە ءوزارا ىقپالداستىقتى نىعايتۋ ماسەلەلەرىن تالقىلادى.
مەملەكەت باسشىسى ب ۇ ۇ- نىڭ كەڭ كولەمدەگى حالىقارالىق ىنتىماقتاستىقتى رەتتەۋ جانە كوروناۆيرۋس پاندەمياسىنا قارسى كۇرەستە جەكەلەگەن مەملەكەتتەردىڭ ءىس-قيمىلدارىن ۇيلەستىرۋ جونىندەگى باستامالارىن قازاقستاننىڭ قولدايتىنىن مالىمدەدى.
پرەزيدەنتتىڭ ايتۋىنشا، ب ۇ ۇ باس حاتشىسىنىڭ جاھاندىق كەلىسىم جاريالاۋ، بارلىق سوعىستار مەن قاقتىعىستاردى توقتاتۋ تۋرالى جۋىردا ايتقان ۇسىنىسى وزەكتى باستاما جانە بارلىق قاتىسۋشى مەملەكەتتەردىڭ قولداۋىنا لايىقتى.
قاسىم-جومارت توقايەۆ پەن انتونيۋ گۋتەرريش الەمدىك ۇيىمنىڭ قۇرىلعانىنا 75 جىل تولۋىنا ارنالعان ب ۇ ۇ باس اسسامبلەياسىنىڭ الداعى مەرەكەلىك سەسسياسىنا دايىندىق ماسەلەلەرىن تالقىلادى.
مەملەكەت باسشىسى قازاقستاننىڭ ب ۇ ۇ- نىڭ ماقساتتارى مەن مىندەتتەرىن تولىق قولدايتىنىن، بىرەگەي ءارى بالاماسى جوق ينستيتۋتتى ودان ءارى دامىتا بەرۋگە اتسالىساتىنىن ايتتى.