ۇلتتىق بانك شەتەل ۆاليۋتاسىن ساتۋ- ساتىپ الۋدىڭ شەكتى باعاسىن بەلگىلەدى

نۇر- سۇلتان. قازاقپارات - قازاقستان ۇلتتىق بانكى قارجى نارىعى قاتىسۋشىلارىنىڭ ۆاليۋتالاردى ساتىپ الۋ جانە ساتۋ باعامدارى اراسىندا نەگىزسىز جوعارى مارجانى ورناتۋىنا جول بەرمەۋ بويىنشا شۇعىل شارالار قابىلدادى، دەپ حابارلايدى قازاقپارات.

«2020 -جىلعى 19 - ناۋرىزدا «ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا شەتەل ۆاليۋتاسىن تەڭگەگە ساتىپ الۋ باعامىنىڭ ساتۋ باعامىنان اۋىتقۋ شەكتەرىن بەلگىلەۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ №33 قاۋلىسى قابىلداندى. قاۋلىدا ۋاكىلەتتى بانكتەردىڭ جانە ۋاكىلەتتى ۇيىمداردىڭ (بانكتىك ەمەس ايىرباستاۋ پۋنكتتەرى) ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرىن: 1) ا ق ش دوللارى - 6 تەڭگە؛ 2) ەۋرو - 7 تەڭگە ەتىپ بەلگىلەۋ كوزدەلەدى» ، - دەلىنگەن ۇلتتىق بانك تاراتقان اقپاراتتا. بۇل شارالار ەلدە توتەنشە جاعداي رەجيمىنىڭ قولدانىلۋ ۋاقىتىندا («قازاقستان رەسپۋبليكاسىندا توتەنشە جاعداي ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2020 -جىلعى 15 - ناۋرىزداعى № 285 جارلىعى) ىسكە اسادى جانە ىشكى ۆاليۋتا نارىعىنا سىرتقى فاكتورلاردىڭ تۇراقسىزداندىراتىن اسەرىن شەكتەۋگە جانە قارجىلىق تۇراقتىلىقتى قامتاماسىز ەتۋگە جاردەمدەسۋگە باعىتتالعان.