ەنەرگەتيكا مينيسترلىگى مۇناي ءوندىرۋشى كومپانيالاردى قورعاۋ شارالارىن اتادى
اسەت ماعاۋوۆ پرەزيدەنت بەرگەن تاپسىرمالاردى ىسكە اسىرۋ اياسىندا ق ر پرەمەر- ءمينيسترىنىڭ ورىنباسارى ەرالى توعجانوۆ باستاعان ۇكىمەت دەلەگاتسياسى جۇمىس ساپارىمەن ەلىمىزدىڭ مۇناي وڭىرلەردى ارالاپ، مۇناي ءوندىرۋشى كومپانيالاردىڭ باسشىلارىمەن كەزدەسۋلەر وتكىزگەنىن حابارلادى. وڭىرلەردىڭ مۇناي ءوندىرۋشى جانە مۇناي سەرۆيستىك كومپانيا باسشىلارىمەن كەزدەسۋلەر ءوتىپ، وندا كوتەرىلگەن ماسەلەلەر قازىرگى ۋاقىتتا ۇكىمەتپەن قاراستىرىلۋدا. اسەت ماعاۋوۆتىڭ ايتۋىنشا مۇناي باعاسىنىڭ تومەندەۋ سالدارىن تومەندەتۋ ماقساتىندا مۇناي ءوندىرۋ كومپانيالارى ءۇشىن زاڭناما كەلەسى جاعدايلاردى كوزدەيدى.
«رەنتالىق سالىقتى مۇناي باعاسىنا بايلانىستىرۋ. رەنتالىق سالىق مۇناي باعاسىنا بەكىتىلگەن. ياعني، 1 باررەل ءۇشىن باعا 60 ا ق ش دوللارى بولعان جاعدايدا ستاۆكا ەكسپورت قۇنىنان 11 پايىز بولسا، وندا 40 ا ق ش دوللارىنان كەم باعا جاعدايىندا ستاۆكا 0 پايىزدى قۇرايدى. ەكىنشىدەن ەكسپورتتىق كەدەندىك باج سالىعىن مۇناي باعاسىنا بايلانىستىرۋ. ەكسپورتتىق كەدەندىك باج سالىعى دا مۇناي باعاسىنا بەكىتىلگەن. 1 باررەل ءۇشىن باعا 60 ا ق ش دوللارى كەزىندە ول 1 تونناعا 60 ا ق ش دوللارىن قۇرايدى. ال 1 باررەل ءۇشىن باعا 40 ا ق ش دوللارى بولعان جاعدايدا ول 1 تونناعا 40 ا ق ش دوللارىن قۇرايدى. 1 باررەل ءۇشىن باعا 35 ا ق ش دوللارى بولعان جاعدايدا ول 1 تونناعا 35 ا ق ش دوللارعا تەڭەسەدى» ، - دەدى ول.
ۆيتسە- مينيستر سونىمەن قاتار باعانىڭ كۇرت تومەندەۋىنە بايلانىستى مۇناي نارىعىنداعى جاعدايدى تۇراقتى دەپ ايتۋعا بولمايتىنىن جەتكىزدى. «ايتسە دە مۇناي ءوندىرۋشى كومپانيالارعا قولداۋ كورسەتۋ ءۇشىن بىزدە بارلىق قۇرال بار. ءبىز قازىرگى جاعدايعا تۇراقتى مونيتورينگ جۇرگىزەمىز. ءوندىرۋ كولەمى قىسقارتىلعان جوق جانە ولار بۇرىنعى رەجيمدە جۇرگىزىلۋدە» ، - دەدى ول.
