قازاقستان شەكاراسىندا قاۋىپتى ازىق- تۇلىكتى كىرگىزبەۋ شارالارى كۇشەيتىلدى
ەاەو ەلدەرىنەن تاۋارلاردى وتكىزۋ كەزىندە باقىلاۋدى كۇشەيتۋ ءۇشىن قوسىمشا 32 ۆەتەريناريالىق باقىلاۋ بەكەتى ر ف جانە قىرعىز رەسپۋبليكاسى شەكاراسىنىڭ بويىندا ورناتىلعان.
اتالمىش باقىلاۋ بەكەتتەرىن ورناتۋعا قىرعىزستانداعى جانۋارلار اۋرۋى بويىنشا قۇبىلمالى جاعداي جانە شەكارانىڭ رەسەي جاعى بولىگىندە الدىن الا حابارلاۋ پۋنكتىن قۇرۋى سەبەپ بولدى. 2020 -جىلدىڭ باسىنان بەرى قوسىمشا ورناتىلعان 32 ۆەتەرينارلىق باقىلاۋ بەكەتىندە 19,5 مىڭ توننا تاۋار، ميلليونعا جۋىق مال مەن قۇس، 32,3 ميلليون تاۋىق جۇمىرتقا تاسىمالداعان 2663 اۆتوكولىك تەكسەرىلدى. ناتيجەسىندە ينسپەكتورلار 93 اۆتوكولىكتى كەرى قايتارىپ، جالپى سوماسى 835065 تەڭگەگە ايىپپۇل سالدى.
2019 -جىل بويى ۆەتەرينارلىق باقىلاۋ بەكەتتەرىندە 755 مىڭ تونناعا جۋىق جۇك، 623,5 مىڭ باس مال مەن قۇس، 70,7 ميلليون جۇمىرتقا تاسىمالداعان 6863 اۆتوكولىك تەكسەرىلىپ، ونىڭ 213 جۇك كولىگى كەرى قايتارىلىپ، ميلليون تەڭگەدەن استام ايىپپۇل سالىندى. بۇدان باسقا، قازاقستاننىڭ وزبەكستان رەسپۋبليكاسى جانە ق ح ر مەملەكەتتىك شەكاراسى بويىندا 31 سىرتقى ۆەتەرينارلىق-باقىلاۋ بەكەتى جۇمىس ىستەپ تۇر (14 اۆتوجولدا، 6 تەمىرجولدا، 2 تەڭىز پورتىندا، 9 حالىقارالىق اۋەجايلاردا).
بۇل بەكەتتەردە باقىلاۋدى 88 ينسپەكتور جۇزەگە اسىرادى. 16-ناۋرىزداعى جاعداي بويىنشا سىرتقى بەكەتتەردە 1286 اۆتوكولىك، 766 تەمىر جول كولىگى، 55 تەڭىز جۇگى قارالدى. جالپى سوماسى 79 530 تەڭگەگە اكىمشىلىك قۇقىق بۇزۋشىلىق تۋرالى 6 حاتتاما تولتىرىلدى (جۇكتەردى ىلەسپە ۆەتەريناريالىق قۇجاتتارسىز تاسىمالداعانى ءۇشىن، ۆەتەريناريالىق رۇقساتتىڭ بولماۋى، ءجۇرۋ باعىتىن ساقتاماعانى، دەزينفەكتسيا اكتىسىنىڭ بولماۋى، قۇلاق سىرعالارىنىڭ جانە ت. ب. بولماۋى)، باقىلاۋداعى جۇگى بار 25 اۆتوكولىك كەرى قايتارىلدى.
بارلىق 63 باقىلاۋ- وتكىزۋ بەكەتتەرىندە ۆەتەريناريالىق ينسپەكتورلار جۇكتەردى تەكسەرۋ اكتىلەرىن اۆتوماتتى رەجىمدە تولتىرادى جانە ولاردى ق ر اۋىل شارۋاشىلىعى مينيسترلىگىنىڭ اقپاراتتىق جۇيەسىنە ەنگىزەدى.
فوتو: voxpopuli.kz
