قازاقستاندىقتار پويىز بيلەتتەرىن جاپپاي وتكىزىپ جاتىر

نۇر- سۇلتان. قازاقپارات - «جولاۋشىلار تاسىمالى» ا ق ماركەتينگ جانە ساتۋ دەپارتامەنتىنىڭ ديرەكتورى الماس ايتبايەۆ قولما- قول اقشانىڭ جەتپەۋىنەن بيلەت اقشاسىن قايتارۋ پروتسەسىنە تۇسىنىستىكپەن قاراۋدى سۇرادى، دەپ حابارلايدى قازاقپارات.

«16 - ناۋرىزدان باستاپ ۋاقىتشا توتەنشە جاعدايدىڭ ەنگىزىلۋىنە بايلانىستى، جولاۋشىلار پويىزدارىنا، ونىڭ ىشىندە شەتەلدىكتەردىڭ رەسپۋبليكاعا اۋماعىنا كىرۋىنە جانە ديپلوماتيالىق قىزمەت پەرسونالى مەن لوكوموتيۆ بريگادالارى سىندى جەكەلەگەن توپتان وزگە تۇرعىنداردىڭ ەلدەن شىعۋىنا شەكتەۋ قويىلدى. بۇل جاعدايدا كومپانيا 9 مەملەكەت ارالىق پويىزدى توقتاتىپ، 7 پويىزدا قازاقستان شەكاراسى ماڭىنداعى باعىتتار قىسقاردى، كورشىلەس تەمىرجول اكىمشىلىكتەرىمەن 23 پويىز توقتاتىلدى» ، - دەدى ا. ايتبايەۆ تىلشىلەرگە بەرگەن سۇحباتىندا. توقتاتىلعان پويىزدار تۋرالى تولىق اقپاراتتى ق ت ج كورپوراتيۆتىك سايتىنان الۋعا بولادى.

«سونىمەن بىرگە، كومپانيا ءوز كليەنتتەرىنە كومەكتەسۋ ماقساتىندا، الدىن الا بەرىلگەن مەملەكەتارالىق بيلەتتەردەگى اقشانى قايتارۋ تۋرالى شەشىم قابىلدادى. مەملەكەتارالىق پويىزداردىڭ توقتاتىلۋىنا بايلانىستى، ءبىزدىڭ كاسسالارىمىزعا وتە كوپ بيلەت قايتارىلىپ جاتىر. مۇنداي جاعدايدا بيلەت كاسسالارىندا قوسىمشا قاراجات قاراستىرىلعان، بەلگىلى ءبىر كاسسالاردا قولما- قول اقشا جەتكىلىكسىزدىگىن قوسپاعاندا، قاراجات جولاۋشىلارعا دەرەۋ قايتارىلۋدا. مۇنداي جاعدايلاردا، بيلەتتىڭ كۇشى جويىلادى جانە جولاۋشى كەز كەلگەن وزىنە ىڭعايلى ۋاقىتتا اقشاسىن الىپ كەتە الادى. بيلەت كاسسالارىنداعى اۋقىمدى جۇكتەمە ءۇشىن جولاۋشىلارىمىزدان جاعدايدا بيلەت قايتارۋ پروتسەسىندە تۇسىنىستىك پەن شىدامدىلىق تانىتۋىن سۇرايمىز»، - دەدى الماس ايتبايەۆ.