ەلىمىزدە مۇعالىمدەر قاشىقتىقتان جۇمىس ىستەي الادى

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ مۇعالىمدەر ءوز ۇيىندە قاشىقتان جۇمىس ىستەي الاتىنىن مالىمدەدى، دەپ حابارلايدى قازاقپارات ءتىلشىسى.

«جالپى، ەلىمىزدە 7300 مەكتەپ بار. سول مەكتەپتەردە بالالاردى كانيكۋلعا ەرتەرەك شىعاردىق. 16 ناۋرىزدان 5-ساۋىرگە دەيىن كانيكۋل جالعاسادى. كانيكۋل كەزىندە مۇعالىمدەردىڭ ماسەلەسى بار. مۇعالىمدەرگە ۇيلەرىندە بولىپ، قاشىقتان جۇمىس ىستەۋىنە بولادى. ءبىز وسىنى ۇسىنىپ، بارلىق ءبىلىم بەرۋ بولىمدەرىنە جانە مەكتەپ ديرەكتورلارىنا وسى اقپاراتتى جەتكىزدىك»، - دەدى مينيستر و ك ق- دا وتكەن باسپا ءسوز ءماسليحاتىندا.

ەسكە سالا كەتسەك، دەنساۋلىق ساقتاۋ ءمينيسترى 14-ناۋرىزدا ەلوردادا وتكەن باسپا ءسوز ءماسليحاتىندا ەلجان ءبىرتانوۆ قازاقستاندا ەكى ادامنىڭ كوروناۆيرۋس جۇقتىرعانىن جەتكىزگەن ەدى. كوپ وتپەي ميلان قالاسىنان نۇر-سۇلتانعا كەلگەن تاعى ءبىر قازاقستاندىقتان كوروناۆيرۋس ينفەكتسياسى تابىلدى. كەيىن گەرمانيادان ۇشىپ كەلگەن قازاقستاننىڭ تاعى ءبىر ازاماتىنان كوروناۆيرۋس انىقتالدى. وسىلايشا بۇل دەرتكە شالدىققاندار سانى 4 ادامعا جەتكەن ەدى.