نۇرسۇلتان نازاربايەۆقا يسلامابادتا حالىقارالىق ماراپات بەرىلدى
قازاقستاننىڭ تۇڭعىش پرەزيدەنتىنىڭ حالىقارالىق قاۋىمداستىققا قوسقان وراسان زور ۇلەسىن مويىنداي وتىرىپ، يسلاماباد حالىقارالىق يسلام ۋنيۆەرسيتەتىنىڭ يسلام زەرتتەۋ ينستيتۋتى كەڭەسىنىڭ باستاماسىمەن ەلباسىنىڭ جوعارى ماراپاتىن پاكىستان ۇلتتىق اسسامبلەياسىنىڭ سپيكەرى اساد كايزەر ۇسىندى.
«مەملەكەتكە جانە قوعامعا سىڭىرگەن قىزمەتتەرى ءۇشىن» حالىقارالىق ماراپاتى الەمنىڭ كورنەكتى قايراتكەرلەرىن بۇكىل ادامزاتتىڭ مۇددەلەرى ءۇشىن بىرلىكتى، كەلىسىمدى جانە قاۋىپسىز ءومىر ءسۇرۋدى نىعايتۋعا قوسقان زور ۇلەسى ءۇشىن مويىندايدى.
بۇگىنگى كۇنگە دەيىن قازىرگى زاماننىڭ ەڭ كورنەكتى مەملەكەت، ساياسي جانە ءدىني قايراتكەرلەرى، ونىڭ ىشىندە پاكىستان يسلام رەسپۋبليكاسىنىڭ ەكس- پرەزيدەنتى - مامنۋن حۋسسەين، دۇنيەجۇزىلىك يسلام ليگاسىنىڭ باس حاتشىسى - مۇحاممەد ءال-يسسا، يمام مۇحاممەد يبن ساۋد اتىنداعى يسلام ۋنيۆەرسيتەتىنىڭ رەكتورى - سۇلەيمان اببا ءال-حايل جانە باسقا دا حالىقارالىق جانە مەملەكەت قايراتكەرلەرى ماراپاتقا يە بولدى.
«مەملەكەتكە جانە قوعامعا سىڭىرگەن ەڭبەكتەرى ءۇشىن» اتتى ناگراداسىن تاعايىنداۋ جونىندەگى كوميتەت قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتى قازىرگى مەملەكەتتىڭ نەگىزىن قالاۋشى، رەفورماتور جانە ستراتەگ، ۇلتارالىق جانە كونفەسسياارالىق تاتۋلىقتىڭ قازاقستاندىق مودەلىن قۇرۋداعى ابسوليۋتتى كوشباسشى دەپ سانايدى. نۇرسۇلتان نازاربايەۆتىڭ بارلىق مەملەكەتتەر مەن قوعامدار ءۇشىن بەيبىتشىلىك پەن قاۋىپسىزدىك قۇندىلىقتارىن العا جىلجىتۋداعى ىرگەلى ۇلەسى، بىرەگەي جاھاندىق كونفەسسياارالىق ديالوگ الاڭى - الەمدىك جانە ءداستۇرلى دىندەر ليدەرلەرىنىڭ سەزىن قۇرۋىندا، سونىمەن قاتار بەيبىتشىلىك، كەلىسىم، گۋمانيزم، تولەرانتتىلىق جانە ءدىنارالىق كەلىسىم نەگىزىندە ءومىر ءسۇرۋ يدەيالارىن ناسيحاتتاۋىندا»، دەلىنگەن حابارلامادا.
