پەتروپاۆلداعى كورمەدە شىڭعىس حان ۇرپاعىنىڭ تولىق گەنەولوگيالىق كارتاسى قويىلدى

پەتروپاۆل. قازاقپارات - پەتروپاۆلدا «التىن وردا: عاسىرلار ۇندەسۋى» اتتى كىتاپ كورمەسى جۇمىسىن باستادى، دەپ حابارلايدى قازاقپارات ءتىلشىسى.

كورمەدە شىڭعىس حان ۇرپاعىنىڭ تولىق گەنەولوگيالىق كارتاسى دا ۇسىنىلدى. وندا 4 مىڭنان استام حاننىڭ اتى جازىلعان.

كىتاپ كورمەسى وبلىستىق ءسابيت مۇقانوۆ اتىنداعى عىلىمي- امبەباپ كىتاپحانادا اشىلدى. ءۇش بولىمنەن تۇراتىن ەكسپوزيتسيادا التىن وردانىڭ تاريحى، حاندارى جانە مادەني مۇراسىمەن تانىسۋعا بولادى. وقىرمان نازارىنا 100 دەن استام كىتاپ پەن جۋرنال ۇسىنىلعان.

«كورمەدەگى ەڭ قۇندى كىتاپتىڭ ءبىرى - ۆلاديمير تيزەنگاۋزەننىڭ ەڭبەكتەرى. ول پارسى جانە اراب تاريحشىلارىنىڭ ورتالىق ازيا جانە قازاقستان تۋرالى زەرتتەۋىن جيناقتاپ، 1884 -جىلى رەسەيدە باسىپ شىعاردى. 2005-2006 -جىلدارى تولىقتىرىلىپ، قايتا جارىق كوردى. قازاقستاننىڭ تۇركىستان، سىعاناق، تاراز جانە ت. ب. قالالارى تۋرالى تاريحي- گەوگرافيالىق ماتەريالدار، التىن وردا حالقىنىڭ الەۋمەتتىك، ەتنيكالىق جانە ساياسي ءومىرى تۋرالى مالىمەت بار. كورمەگە ءبىرىنشى جانە ءتورتىنشى تومى قويىلدى. ول تاريحشىلار، ستۋدەنتتەر، شىعىستانۋشىلار جانە قالىڭ وقىرمان ءۇشىن قىزىقتى بولماق»، - دەيدى كىتاپحاناشى اسەل شايحيسلاموۆا.

رەسەيلىك پروفەسسور، شىعىستانۋشى تۇرسىن سۇلتانوۆتىڭ «جەتىنشى ءسوز» اتتى كىتاپتار توپتاماسىن دا كورمەدەن تابۋعا بولادى. شىڭعىس حاننىڭ، باتۋ، جوشىنىڭ جانە باسقا حانداردىڭ ءومىربايانى، التىن وردادان قالعان قازاقستان اۋماعىندا ورنالاسقان ساۋلەت ەسكەرتكىشتەرى جايىندا دا مول ماعلۇمات بار.

كىتاپتار كورمەسى جىل سوڭىنا دەيىن جۇمىس ىستەمەك.

اۆتور: اقەركە داۋرەنبەك قىزى