بوكس: قىتايدا تۇراتىن قانداسىمىز توكيو وليمپياداسىنا جولداما جەڭىپ الدى

نۇر-سۇلتان. قازاقپارات - بۇگىن يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىندە قىتايدا تۇراتىن قانداسىمىز توكيو وليمپياداسىنا جولداما ۇتىپ الدى، دەپ حابارلايدى قازاقپارات ءتىلشىسى.

75 كەلى سالماقتا قىتاي ۇلتتىق قۇراماسىنىڭ ساپىنان وليمپيادا جولداماسىنا تالاسقان توقتاربەك تاڭاتحان ۇلى توكيو وليمپياداسىنىڭ جولداماسىن ەنشىلەدى.

بۇل تۋرالى بۇگىن اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىندە بەلگىلى بولدى. قانداسىمىز قىتايدىڭ شىڭجاڭ وڭىرىندە 1996 -جىلى دۇنيەگە كەلگەن. ول بۇگىنگى تاڭدا 75 كەلى سالماقتا قىتايدىڭ ەڭ مىقتى بوكسشىلارىنىڭ ءبىرى.

ەستەرىڭىزگە سالا كەتەيىك، 75 كەلى سالماقتا وسىعان دەيىن قازاقستاندىق بوكسشى ءابىلحان امانقۇل دا وليمپيادا ويىندارىنا ليتسەنزيا ۇتىپ العان بولاتىن. وسىلايشا، قوس قازاق ازاماتى توكيو وليمپياداسىندا سىنعا تۇسەدى.

ايتا كەتەيىك، ەندى ساناۋلى مينۋتتاردان كەيىن اسا اۋىر سالماقتا شارشى الاڭعا قامشىبەك قوڭقابايەۆ شىعادى.

اۆتور: كۇنسۇلتان وتارباي