العاش رەت وتاندىق دارىگەرگە نوبەل مەدالى بەرىلدى
«ۇلتتىق عىلىمي مەديتسينالىق ورتالىق» ا ق ۇرىق جاسۋشالارىن ترانسپلانتاتسيالاۋ ءبولىمىنىڭ باسشىسى، باعانالىق جاسۋشالار سالاسىنداعى ءبىرقاتار زەرتتەۋدى جاساۋشى سامات ساپاربايەۆ رەسەي مەن ت م د ونەرتاپقىشتارىنىڭ دامۋىنا قوسقان ۇلەسى ءۇشىن نوبەل مەدالىنە لايىقتى دەپ تانىلدى. بۇل تۋرالى Today.kz حابارلادى.
اتالعان ماراپات جيىنى ماسكەۋ قالاسىندا وتەدى. سونىمەن بىرگە مەدال حالىقارالىق ماڭىزى بار جانە مويىندالعان تۋىندىلار ءۇشىن العاشقى ونەرتاپقىشتاردىڭ ءبىرى رەتىندە بەرىلەدى.
سامات ساپاربايەۆ جاسۋشالىق تەحنولوگيالار سالاسىندا 2006 -جىلدان بەرى زەرتتەۋلەرمەن اينالىسادى جانە جاسۋشالىق تەحنولوگيالار بويىنشا عىلىمي- تەحنيكالىق باعدارلامانىڭ نەگىزگى ورىنداۋشىلارىنىڭ ءبىرى. زەرتتەۋ ناتيجەلەرى جوعارى مامانداندىرىلعان مەديتسينالىق كومەك كورسەتۋ ءۇشىن كلينيكالىق پراكتيكاعا ەنگىزىلدى. دارىگەر فەتالدىق جاسۋشالاردى ءبولۋ، ءوسىرۋ جانە كريوكونسەرۆاتسيالاۋ ادىستەرىن ازىرلەپ، پراكتيكالىق قىزمەتكە ەنگىزگەن. سونىمەن قوسا جاسۋشالاردىڭ كوكتامىرىشىلىك ترانسپلانتاتسياسى بويىنشا حاتتامالار جاساپ جانە مەديتسينالىق- ەكونوميكالىق كورسەتكىشتەر ازىرلەدى. دارىگەر جۇمىستارىنان الىنعان دەرەكتەر رەسپۋبليكالىق جانە حالىقارالىق كونفەرەنسيالاردا بىرنەشە رەت باياندالدى. 10-نان استام يننوۆاتسيالىق پاتەنتكە يە، 3 مونوگرافيانىڭ 6 ادىستەمەلىك نۇسقاۋلىق شىعارىلدى، 60-تان استام عىلىمي جۇمىستار، ونىڭ ىشىندە الىس شەتەلدەردە دە جارىق كوردى، - دەدى ۇلتتىق عىلىمي ورتالىق وكىلدەرى نوبەل مەدالىنىڭ جەڭىمپازى تۋرالى.
ايتا كەتەيىك، «ۇلتتىق عىلىمي مەديتسينالىق ورتالىق» بازاسىندا قازاقستاندا كلينيكالىق بازادا قۇرىلعان جاسۋشالىق تەحنولوگيالار زەرتحاناسى جۇمىس ىستەيدى. بۇل جەردە ۇرىق جاسۋشالارىنىڭ كومەگىمەن پاركينسون اۋرۋى، شاشىراڭقى سكلەروز، باۋىر تسيرروزى، ريەۆماتويدتى ارتريت، قانت ديابەتى، سوزىلمالى بۇيرەك جەتكىلىكسىزدىگى جانە ت. ب. دياگنوزى بار پاتسيەنتتەردى ەمدەيدى. اتالعان ەمنىڭ بارلىق تۇرىنە ازاماتتار كۆوتا ارقىلى قول جەتكىزە الادى.
بۇگىنگى تاڭدا دارىگەر بەس ناگرادا بويىنشا ماراپاتتالادى. ولاردىڭ قاتارىندا «رەسەي مەن ت م د- نىڭ بەلگىلى عالىمدارى» سەرتيفيكاتى مەن كۋالىگى، ۇلى ەكاتەرينا وردەنى، «عىلىمي جەڭىستەرى مەن جەتىستىكتەرى ءۇشىن» وردەنى، الەمدىك عىلىمنىڭ دامۋىنا قوسقان ەلەۋلى ۇلەسى ءۇشىن، كورنەكتى عىلىمي جۇمىستارى، جاڭالىقتارى، ونەرتابىستارى ءۇشىن جانە ۇلكەن عىلىمي- پراكتيكالىق ماڭىزى بار جۇمىستاردىڭ جيىنتىعى بويىنشا بەرىلەتىن ماراپات تا بار. سونداي- اق «جوعارى ءبىلىم بەرۋ سالاسىنداعى جاڭاشىل جۇمىسى ءۇشىن» التىن مەدالىمەن ماراپاتتالىپ، وعان رەسەي مەن ت م د «عىلىم مەن ءبىلىمنىڭ ەڭبەك سىڭىرگەن قىزمەتكەرى» قۇرمەتتى اتاعى بەرىلدى.
BAQ. KZ
