قازاقستان مەن وزبەكستان تەرىس ءدىني اعىمداردىڭ ناسيحات جۇرگىزۋىنە جول بەرمەۋگە كەلىستى

نۇ-سۇلتان. قازاقپارات- قازاقستان مەن وزبەكستان بيىل ءدىني مەرەكەلەردى ءبىر كۇنگە بەكىتۋگە كەلىستى. بىلتىرعا دەيىن ەكى ەل ورازا، قۇربان ايت مەرەكەلەرىن ءوز قالاۋىنشا تويلايتىن.

قازاق ەلىنىڭ باس ءمۇفتيى العاشقى شەتەلدىك ساپارىن وزبەكستاننان باستاپ، سامارقان قالاسىندا وسى ەلدىڭ مۇسىلماندارى ءدىني باسقارماسىنىڭ توراعاسىمەن كەزدەستى. تاراپتار ءدىني مەرەكەلەردى بىرىزگە تۇسىرۋگە ۋاعدالاستى. سونىمەن بىرگە ناۋرىزباي قاجى تاعان ۇلى مەن ۋسمونحون قاجى اليموۆ ءدىن اتىن جامىلعان تەرىس اعىمداردىڭ ۇگىت- ناسيحات جۇمىستارىنا جول بەرمەۋگە، سونداي- اق ءدىن قىزمەتكەرلەرىنىڭ ءبىلىمىن ارتتىرۋ ءۇشىن تاجىريبە الماسۋعا ۋاعدالاستى.

باس ءمۇفتي يمام ماتۋريدي مۇرالارى مەن وقۋلارىنا ارنالعان حالىقارالىق كونفەرەنسياعا دا قاتىستى. قازاقستانداعى مۇسىلمان جاماعاتى وسى عالىمنىڭ، ياعني ماترۋدي سەنىمىن ۇستاناتىنىن ايتا كەتكەن ءجون.

ناۋرىزباي قاجى تاعان ۇلى، ق م د ب ءتوراعاسى، باس ءمۇفتي:

- ورازانى ءبىر كۇن بۇرىن باستاۋ نەمەسە ءبىر كۇن كەش باستاۋ. نەمەسە ايت كۇندەرى ءارتۇرلى كۇندەرى ءارتۇرلى كەلىپ قالعان ماسەلەلەر بولاتىن. سول كەزدە دە ەكى ەلدىڭ مۇسىلمان جاماعاتى تۇسىنبەۋشىلىككە ءتۇسىپ قالعان جاعدايلار بولدى. ناۋرىز ايىندا قىرعىز ەلىندە عۇلامالار كەڭەسىندە وسىنى تالقىلاپ، ءبىر ۋاقىتتى بەلگىلەيتىن بولدىق. سودان كەيىن ورازانىڭ قاي كۇنى باستالاتىنىن جاريالايتىن بولامىز. ورتا ازيا مەملەكەتتەردە بيىل دا ورازا ءبىر كۇندە باستالادى دەگەن ۇمىتتەمىز.

www.24.kz