جامبىل وبلىسىندا كوروناۆيرۋس جۇقتىرعان ءبىر دە ءبىر ادام جوق - كوميتەت
«جامبىل وبلىسىندا كوروناۆيرۋس ينفەكتسياسىن جۇقتىردى دەپ كۇدىككە ىلىنگەن ادامدار جوق. جامبىل وبلىسىنا وڭتۇستىك كورەيادان 150 ادام كەلدى دەگەن اقپارات شىندىققا جاناسپايدى»، - دەيدى كوميتەتتەن.
جامبىل وبلىسىندا كوروناۆيرۋس ينفەكتسياسىنىڭ كەلۋىنە جانە تارالۋىنا قارسى بارلىق شارالار قابىلدانىپ وتىر. مەديتسينالىق ۇيىمدار ساقاداي ساي دايىن جانە كۇن سايىن وبلىسقا شەتەلدەن كەلگەن ءاربىر ادامعا مونيتورينگ جاسالادى.
اتالمىش كوميتەت ازاماتتاردى جالعان اقپارات تاراتپاۋعا شاقىرادى جانە وتىرىك مالىمەت تاراتقاندار جاۋاپكەرشىلىككە تارتىلاتىنىن ەسكەرتەدى.
«الەۋمەتتىك جەلىدە تاراعان سەنىمسىز اقپاراتتارعا الدانباي، تەك قانا رەسمي اقپارات كوزىنە سەنۋگە شاقىرامىز. بۇكىل سەنىمدى اقپارات دەنساۋلىق ساقتاۋ مينيسترلىگىنىڭ جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سايتىندا، الەۋمەتتىك جەلىدەگى پاراقشالارىندا جاريالانىپ وتىرادى»، - دەپ ءمالىم ەتتى كوميتەت.
