مەملەكەت باسشىسى قورداي وقيعاسىنىڭ سەبەبىن ايتتى

قورداي اۋدانى. قازاقپارات – ق ر پرەزيدەنتى قاسىم-جومارت توقايەۆ قوردايداعى جەرگىلىكتى قىزمەتكەرلەردىڭ پارا الۋ جانە شەكارا ارقىلى زاڭسىز ساۋدا جاساۋ ماسەلەلەرىن شەشۋدى تاپسىردى، دەپ حابارلايدى قازاقپارات اقورداعا سىلتەمە جاساپ.

ق ر پرەزيدەنتى تەرگەۋ جۇمىستارى زاڭعا سايكەس جۇرگىزىلەتىنىن، زاڭ الدىندا ءبارى تەڭ ەكەنىن ايتىپ، قوردايداعى جەرگىلىكتى قىزمەتكەرلەردىڭ پارا الۋ جانە شەكارا ارقىلى زاڭسىز ساۋدا جاساۋ ماسەلەلەرىن شەشۋدى تاپسىردى.

«اۋداندا ءبىر توپ ادام بەلسەندى تۇردە كونتراباندامەن اينالىسىپ جۇرگەن. بۇل - بەلگىلى نارسە. وسى ىسكە باسقا توپ تا قاتىسقىسى كەلگەن. ءبىر سوزبەن ايتساق، زاڭسىز تابىس كوزى ءۇشىن ەكى قىلمىستىق توپتىڭ اراسىندا تەكەتىرەس پايدا بولعان. بۇل تەكەتىرەس سالدارىنان كوپ ادام زارداپ شەكتى. 11 ادام قازا تاپتى. ونى اشىق ايتۋ كەرەك. ەندى قۇقىق قورعاۋ ورگاندارىنىڭ الدىندا تۇرعان ماقسات - بارلىق قىلمىسكەرلەردى ۇلتىنا قاراماي، زاڭعا سايكەس جازاعا تارتۋ. ونسىز ەلىمىزدە ءتارتىپ بولمايدى»، - دەدى پرەزيدەنت.

ەسكە سالا كەتسەك، بۇگىن ق ر پرەزيدەنتى قاسىم-جومارت توقايەۆ جامبىل وبلىسىنىڭ قورداي اۋدانىنداعى قاراكەمەر اۋىلىنىڭ جۇرتشىلىعىمەن كەزدەسكەن بولاتىن.

ەسكە سالا كەتسەك، بيىل 7- اقپاندا قورداي اۋدانىنداعى ماسانچي اۋىلىندا جاپپاي توبەلەس بولعان. ال 8- اقپاندا مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى. مەملەكەت باسشىسىنىڭ تاپسىرماسىمەن قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى.