جاستار جايلى قاناتتى سوزدەر

نۇر-سۇلتان. قازاقپارات - ادام ومىرگە كەلگەن سوڭ ۇرپاق قالدىرۋعا، ءوزىنىڭ ءىزىن قالدىرۋعا تىرىسادى. قالدىرعان ۇرپاعىنا ۇلگى- ونەگە مەن ءتالىم- تاربيە بەرۋگە اسىعادى.

حالقىمىز ەر جىگىتتىڭ مىندەتى وزىنەن كەيىن ۇرپاق قالدىرۋ دەپ تۇسىنەدى. ۇرپاقتىڭ ءوزىن ءومىر دەپ بىلەدى. نازارلارىڭىزعا جاستىق پەن ءومىر جايلى ناقىل سوزدەردى ۇسىنۋدى ءجون كورىپ وتىرمىز.

اتا تۇرىپ ۇل سويلەسە - ەر جەتكەنى بولار، انا تۇرىپ قىز سويلەسە - بوي جەتكەنى بولار. ازامات جەتىم بولمايدى - حالىقتىڭ بولسا پاناسى، حالىق جەتىم بولمايدى - باسشىسى بولسا داناسى. سىرىم دات ۇلى

جاستىقتا كوكىرەك - زور، ۋايىم - جوق. اباي

كارىسى كىمنىڭ جوق بولسا، جاسى بولار دۋانا. ماحامبەت

اتانىڭ ۇلى - اتاسىنا تارتىپ تۋار. ماحمۇد قاشقاري

اڭدىسقان مىنا دۇنيەدە - بىرەۋگە- بىرەۋ تاباشى. جىگىتتىڭ باعى قايتادى - اعايىن- جۇرتىن الداسا. مايلىقوجا سۇلتانقوجا ۇلى

ادام قىزمەتى كىرىسپەي قازىنا تۋمايدى. ءاليحان بوكەيحانوۆ

كارى ولسە - داۋىل تىنعانى، جاس ولسە - بايتەرەگىڭنىڭ سىنعانى. شال اقىن

ەلۋ دەگەن - ەردىڭ، ەرلىك ىستەردىڭ جاسى. ورىندالعان ارمان - باقىت، ورىندالماعان ارمان - كۇيىك. شەرحان مۇرتازا

ادام ءىشىپ- جەۋ ءۇشىن عانا ءومىر سۇرمەيدى. سايف ساراي

ءبىر بالا بار - اتاسىنا جەتە تۋادى، ءبىر بالا - اتاسىنان وتە تۋادى، ءبىر بالا - كوتىنەن كەرى كەتە تۋادى. قازىبەك بي

ادامنىڭ ءومىرى ۋاقىتتان ۇنەمدەگەن ىستەرىمەن ۇزارادى. ف. كولليەر

ءومىردىڭ گۇلى - جىگىتتىڭ شاق. اتانىڭ ورنى بالاعا قالادى. بارلىق ادامنىڭ ءومىرى ءبىر جەردە تۇيىسەدى: قۇل دا ولەدى، قوجايىن دا ولەدى. بالالىق ءوتتى دەگەنشە - جىگىتتىك جەتتىك دەسەڭشى. ءجۇسىپ بالاساعۇن

ءومىردىڭ شارت - كۇرەس. كۇرەس توقتاعان جەردە ءومىر دە توقتايدى. ۆ. بەلينسكي

ادام قىزمەتى كىرىسپەي قازىنا تۋمايدى. ءاليحان بويكەحانوۆ

ون بەس جاس - قۇيىن قۋعان جەلمەن تەڭ، جيىرما جاس - داۋىل ۇرعان كولمەن تەڭ، وتىز بەس - اعىپ جاتقان سەلمەن تەڭ، قىرىق بەس - ايۋ اسپاس بەلمەن تەڭ، جەتپىس بەس - ەر كوڭىلىڭ جەرمەن تەڭ. سەكسەندە - سەلكىلدەگەن شال بولارسىڭ، توقساندا - سەكسەنگە دە زار بولارسىڭ، جۇزگە كەلسەڭ - دۇنيە قىزىعىنان كۇدەرىڭدى ءۇز: ولمەي ءتىرى جۇرگەنگە ءماز بولارسىڭ. جيرەنشە شەشەن

Massaget.kz