كوروناۆيرۋس ءۇشىن شەكارانى جابۋ ءتيىمسىز
«ءبىر قاراعاندا، بۇل قيسىندى شەشىم سەكىلدى. كوروناۆيرۋس ادامدارمەن بىرگە تاراپ جاتقاندىقتان، شەكارانى جابۋ ونىڭ تارالۋىن شەكتەيتىن سياقتى. ال سوڭعى زەرتەتۋلەر قازىرگى تاڭدا بۇل شارانىڭ ناتيجەسى بولمايتىنىن كورسەتتى»، - دەيدى ماقالا اۆتورى.
ميگراتسيالىق ساياسات ينستيتۋتىنىڭ ساراپتاما ورتالىعىنىڭ ديرەكتورى ميشەل ميتتەلشتادتتىڭ ايتۋىنشا، جاھاندانۋ داۋىرىندە شەكارانى جابۋ مەن مەملەكەتكە كىرۋگە تىيىم سالۋدىڭ تيىمدىلىگى تومەن.
«يتاليا ا ق ش، رەسەي، جاپونيا مەن اۆستراليامەن بىرگە قىتايمەن ساۋدا قاتىناسىن العاشقىلاردىڭ ءبىرى بولىپ ۇزگەن ەدى. دەگەنمەن، كوروناۆيرۋستىڭ يتالياعا جەتۋىنە بۇل كەدەرگى بولا المادى»، - دەپ جازىلعان ماقالادا.
اۆتوردىڭ ايتۋىنشا، شەكارانى جابۋ تەك كوروناۆيرۋستىڭ تارالۋىنا عانا ءتيىمسىز بولمايدى.
«بۇل شەشىم قوعامنىڭ الەۋمەتتىك-ەكونوميكالىق قىزمەتىنە كەرى اسەر ەتەدى. سونىمەن قاتار مۇنداي شەشىمنىڭ پايداسىنان گورى زيانى باسىم بولادى. بۇل مەديتسينا سالاسىنا قاجەتتى ءدارى-دارمەكتەردىڭ جەتۋىن تەجەيدى، ءتىپتى، حالىقتىڭ قايدان كەلەتىنىن وتىرىك ايتۋعا ماجبۇرلەيدى»، - دەپ جازادى اۆتور.
شۆەيتساري فەدەرالدى تەحنولوگيالىق ينستيتۋتىنىڭ زەرتەتۋشىسى ەمانۋەل ماسسارونىڭ ايتۋىنشا، مۇنداي جاعدايلاردا حالىقارالىق ۇسىنىستارعا ءمان بەرۋ كەرەك.