ەكى وبلىستا ەسكەرتۋ جاريالاندى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى قوستاناي جانە سولتۇستىك قازاقستان وبلىستارىندا ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

28-اقپاندا قوستاناي وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. جاياۋ بۇرقاسىن كوتەرىلەدى. وبلىس اۋماعىندا جانە قوستاناي قالاسىندا وڭتۇستىك- باتىستان سوققان جەلدىڭ ەكپىنى كەي جەرلەردە 15-20 م/س جەتەدى.

28-اقپاندا سولتۇستىك قازاقستان وبلىسىنىڭ كەي جەرلەرىندە تۇمان تۇسەدى، كوكتايعاق بولىپ، جاياۋ بۇرقاسىن سوعادى. وڭتۇستىك- باتىستان كۇشتى جەل سوعادى. جەلدىڭ جىلدامدىعى كەي جەرلەردە سەكۋندىنا 15-20 مەترگە دەيىن كۇشەيەدى.

پەتروپاۆل قالاسىندا كۇندىز كوكتايعاق بولادى. وڭتۇستىك- باتىستان سوققان جەلدىڭ قارقىنى - 15-20 م/س.