انتاركتيدادا قاردىڭ ەرۋى كۇشەيىپ بارادى

نۇر- سۇلتان. قازاقپارات - انتاركتيدادا تىركەلگەن جوعارى تەمپەراتۋراعا بايلانىستى يگل ارالىندا قار جامىلعىسىنىڭ %20 عا جۋىعى ەرىپ كەتتى، دەپ حابارلايدى CNN.

NASA ۇسىنعان جاڭا سپۋتنيك سۋرەتتەرىندە يگل ارالىنىڭ (انتاركتيدا تۇبەگىنىڭ سولتۇستىك- شىعىسىندا ورنالاسقان) 2020 -جىلدىڭ اقپانىندا تىركەلگەن انتاركتيداداعى ىستىق باستالعان جانە اياقتالعان ۋاقىتتاعى بەينەسى جاريالاندى. توعىز كۇننىڭ ىشىندە بۇل ارالدا جالپى ماۋسىمدا جينالعان قاردىڭ %20 ى ەرىگەن.

«انتاركتيدادا بۇلاي ەشقاشان تەز ەرىگەن ەمەس. قار مەن مۇزدىڭ بۇلاي ەرۋى بۇرىن الياسكا مەن گرەنلانديادا بايقالعان ەدى، ءبىراق انتاركتيدادا ەمەس» ، - دەپ اتاپ ءوتتى امەريكالىق گەولوگ ماۋري پەلتو.

بۇدان بۇرىن حابارلانعانداي، 9 - اقپاندا سەيمۋر ارالىندا تەمپەراتۋرا 20,75 گرادۋس جىلىلىقتى كورسەتىپ، رەكورد ورناتقان ەدى.