دارىگەرلەر قىتايدان كەلگەن ناۋقاستى كورگەندە قاشا جونەلگەن

نۇر-سۇلتان. قازاقپارات - ۋفا قالاسىندا جاس جىگىت كوروناۆيرۋسقا قان تاپسىرماق بولىپ ەمحاناعا كەلگەن.

الايدا ونى كورگەن دارىگەرلەر كومەكتەسكەننىڭ ورنىنا باستارىن الا قاشقان. بۇل تۋرالى ن ت ۆ تەلەارناسى حابارلادى.

تەلەارنا تاراتقان مالىمەتكە سۇيەنسەك، ينفەكسيالىق اۋرۋحانانىڭ دارىگەرلەرى قىتايدان كەلگەن 27 جاستاعى رەسەي ازاماتىن تەكسەرۋدەن باس تارتقان.

جىگىت بەيجىڭدە سەگىز ايداي جۇمىس ىستەپ، 4-اقپان كۇنى ەلىنە ورالعان. كوپ ۇزاماي ول ءوزىن جايسىز سەزىنگەن، جانە تۋىستارى كوروناۆيرۋسقا قارسى تەكسەرىلىپ كور دەپ كەڭەس بەرەدى.

اكەسىنىڭ ايتۋىنشا، ۇلى اۋرۋحاناعا كەلىسىمەن قىتايدان كەلگەنىن جانە كوروناۆيرۋسقا قارسى قان تاپسىرعىسى كەلەتىنىن ايتقان. وسى كەزدە دارىگەرلەر بىردەن ابدىراپ، نە ىستەرلەرىن بىلمەي قاشا جونەلىپتى.

ۇلىم العاشىندا اناليز تاپسىراتىن عيماراتقا بارىپ، بەيجىڭنەن كەلگەنىن ايتقان، ونى بۇكىل دالىزدەگىلەر ەستىگەن. سول ساتتە ءبارى قاشا جونەلگەن، قابىلداۋ بولىمىنە بارۋ كەرەكتىگىن ايقايلاپ جەتكىزىپتى، - دەيدى ناۋقاستىڭ اكەسى ۆلاديسلاۆ.

كەلەسى عيماراتتا دا وسىنداي جاعداي بولعان. دارىگەرلەر ونىمەن سويلەسكىسى كەلمەي تۇپكى بولمەگە قاراي قاشان جونەلگەن. دارىگەرلەر ناۋقاسپەن جابىق ەسىك ارقىلى سويلەسىپ، وعان اۋرۋحانىنىڭ ارتقى ەسىگى ارقىلى شىعىپ كەتۋىن وتىنگەن.

باشقۇرت دەنساۋلىق ساقتاۋ مينيسترلىگى بۇل جايت بويىنشا قىزمەتتىك تەكسەرىس ءجۇرىپ جاتقانىن مالىمدەدى.

دەرەككوز : BAQ. KZ