مەكتەپ اسحانالارىن تەكسەرۋدە ءبىرقاتار كەمشىلىك انىقتالدى

قىزىلوردا. قازاقپارات - قىزىلوردادا قىزىلوردادا مەكتەپ اسحانالارىن تەكسەرۋدە ءبىرقاتار كەمشىلىك انىقتالدى، دەپ حابارلايدى قازاقپارات ءتىلشىسى.

قىزىلوردا وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باقىلاۋىندا 296 مەكتەپ بار. جاڭا 2019-2020 وقۋ جىلىندا تۇرمىسى تومەن وتباسىنان شىققان 26880 وقۋشى جالپى مىندەتتى وقۋ قورى ەسەبىنەن تولىقتاي تەگىن ىستىق تاماقپەن قامتاماسىز ەتىلگەن. مەكتەپتەردە بەرىلەتىن اس ءمازىرى، تاعامنىڭ قۇنارلىعى مەن پورتسياسى، تاماقتانۋ راتسيونى بالانىڭ فيزيولوگيالىق جانە جاس ەرەكشەلىگى نورماسىن ەسكەرە وتىرىپ ازىرلەنەدى.

مەكتەپتەردە ىستىق تاماقپەن قامتاماسىز ەتۋ ماسەلەسى سانيتارلىق قاعيدالاردا بەلگىلەنگەن. وبلىس مەكتەپتەرىندە وسى سانيتارىق قاعيدالاردىڭ ساقتالۋى، وقۋشىلاردى مەكتەپتە تاماقتاندىرۋ ماسەلەسى اتالمىش دەپارتامەنتتىڭ باقىلاۋىندا.

ۆەدومستۆوىنىڭ حابارلاۋىنشا، 2019 -جىلى جەكە كاسىپكەرلەرگە جالعا بەرىلگەن 278 مەكتەپ اسحاناسىنىڭ 239-نا ەرەكشە ءتارتىپ بويىنشا تەكسەرۋ جۇرگىزىلدى. تەكسەرۋدە كاسىپكەردىڭ سانيتارلىق قاعيدا تالاپتارىن بۇزعانى انىقتالدى.

اتاپ ايتقاندا، سانيتاريالىق- ەپيدەميولوگيالىق قورىتىندىنىڭ بولماۋى، اسحانالاردا سۋ، كارىز، جاساندى جەلدەتكىش جۇيەلەرىنىڭ ىستەن شىعۋى، تاعام ءونىمىنىڭ قاۋىپسىزدىگىن راستايتىن قۇجاتىڭ بولماۋى انىقتالدى.

«تەكسەرۋ بارىسىندا باكتەريولوگيالىق زەرتحاناعا الىنعان 4613 شايىندىنىڭ 450 سىناماسىنان (%10) ىشەك تاياقشاسى توبىنىڭ باكتەريالارى تابىلعان. سونىمەن قاتار، 559 تاعام ۇلگىسىنىڭ 63 نەن جانە 463 اۋىز سۋ ۇلگىسىنىڭ 59 نان ميكروبيولوگيالىق كورسەتكىشتەر بويىنشا سايكەسسىزدىك انىقتالعان. اس قۇنارلىعىن انىقتاۋ ءۇشىن سانيتارلىق- حيميالىق زەرتحاناعا 674 تاعام ۇلگىسى الىنىپ، ونىڭ 104 ى بەلگىلەنگەن سانيتارلىق- گيگيەنالىق نورمالارعا سايكەس بولماي شىقتى. زالالسىزداندىرۋ ەرىتىندىلەرى بويىنشا 540 سىنامانىڭ 109 ندا ساپالى دەزينفەكسيا جاساۋ ءۇشىن ەرىتىندى كونسەنتراتسياسىنىڭ قالىپتى نورمادان اۋىتقۋشىلىعى انىقتالعان»، - دەدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءبولىم باسشىسى الماش شۋاقبايەۆا.