كومپيۋتەردە جۇمىس ىستەۋ كورۋ قابىلەتىنە قالاي اسەر ەتەدى - ماماندار
كومپيۋتەردە ۇزاق جۇمىس ىستەگەن كەزىندە كوز شارشايدى - قۇرعايدى، قىشيدى، بۇلىڭعىر كورەدى، جارىق قاراي الماي قالادى، اۋىرسىنۋ جانە السىزدىك پايدا بولادى.
كوزدىڭ كورۋ قابىلەتى ناشارلاماۋى ءۇشىن كەلەسى ەرەجەنى ۇستانۋ كەرەك:
جەتكىلىكتى جارىق. جۇمىس ورنىن تەرەزەنىڭ سول جاعىنا نەمەسە وڭ جاعىنا جابدىقتاعان دۇرىس، سوندا كۇندىز جارىق مونيتورعا جانىنان تۇسەدى. مونيتوردىڭ قاراما-قارسى نەمەسە تەرەزە الدىندا ورنالاسۋى كوزگە سالماق تۇسىرەدى؛
جاساندى جارىق بىركەلكى جانە جەتكىلىكتى بولۋى ءتيىس. تەك ۇستەل شامى جارىعىمەن مونيتوردا جۇمىس ىستەۋگە بولمايدى. ەكرانعا تىكەلەي تۇسپەيتىندەي جارىق قولدانىلۋى كەرەك؛
ەكراندى كوزدىڭ جوعارعى جيەگىمەن بىردەي ەتىپ ورنالاستىرىڭىز. مونيتور كوزدەن 50-60 س م قاشىقتىقتا ورنالاسۋى كەرەك، ال تومەنگى بولىگى سىزگە جوعارعى جاقتان گورى جاقىنىراق بولاتىنداي ەتىپ ورنالاستىرىڭىز؛
ەكراننىڭ تازالىعىن قاداعالاڭىز، ونى شاڭ مەن كىردەن، داقتاردان تازالايتىن ارنايى مايلىقتارمەن ءسۇرتىڭىز؛
ەگەر ءسىز كوزىلدىرىكپەن جۇمىس جاساساڭىز، ەكراننىڭ رادياتسياسىنان قورعايتىن ارنايى «وفيستىك كوزىلدىرىككە» تاپسىرىس بەرگەنىڭىز ءجون؛
كوپ سۋ ءىشىڭىز، كوزىڭىزدىڭ شىرىشتى قاباتى قۇرعاماۋ ءۇشىن، كوزىڭىزدى ءجيى جۇمىپ-اشىپ وتىرۋدى ۇمىتپاڭىز؛
جۇمىس كۇندەرى 1-2 ساعات سايىن جۇيەلى تۇردە كوز جاتتىعۋىن جاساڭىز.
كوزگە ارنالعان جاتتىعۋ:
كوزدى تولىقتاي رەلاكساتسيالاۋ كەرەك، كوزدى جۇمىپ، دەنەنىڭ بارلىق بۇلشىقەتتەرىن بوساڭسىتىپ، دەمالۋعا تىرىسۋ كەرەك.
شەڭبەر قيمىلدارى. كوزىڭىزدى شەڭبەر بويىمەن جىلجىتىڭىز: الدىمەن ساعات تىلىمەن، سودان كەيىن قاراما-قارسى، بىرنەشە رەت.
ەكى جاعىنا جانە ۇستىنە-استىنا قاراۋ كەرەك. مۇنى بىرنەشە قايتالايمىز.
دياگونالدى قوزعالىس. الدىمەن، كوزقاراستارىڭىزدى جوعارىدان تومەننەن سولعا جانە ارتقا، سودان كەيىن جوعارىدان سولدان تومەنگىگە قاراي وڭعا جانە ارتقا بىرنەشە رەت جىلجىتىڭىز.
الىستا ورنالاسقان قۇس پەن تەرەزەگە جاقىن اعاش بۇتاعى سياقتى الىس جانە جاقىن زاتتى كەزەكپەن قاراڭىز.
بۇلار قاراپايىم جاتتىعۋ جانە كوپ ۋاقىتتى قاجەت ەتپەيدى، ولار سىزگە دەمالۋعا جانە كوزدىڭ بۇلشىقەتتەرىن جاتتىقتىرۋعا مۇمكىندىك بەرەدى.
