قوردايداعى قايعىلى جاعدايعا جول بەرگەن مەملەكەتتىك ورگان قىزمەتكەرلەرى جازالانادى - پرەزيدەنت
«قورداي اۋدانىنداعى جاعداي تۇراقتى. بەردىبەك ساپاربايەۆ باسقارعان كوميسسيا جۇمىسىن جالعاستىرۋدا. قايعىلى جاعدايعا جول بەرگەن مەمورگان قىزمەتكەرلەرى مەن ارانداتۋشىلار جاۋاپقا تارتىلادى. زارداپ شەككەندەرگە كومەك كورسەتىلەدى. وتانداستارىمىزعا ازاماتتىق جاۋاپكەرشىلىك ۇستانىمدارى ءۇشىن ريزاشىلىق بىلدىرەمىن»، - دەپ جازدى مەملەكەت باسشىسى.
ەسكە سالا كەتسەك، 7 - اقپاندا قورداي اۋدانىنداعى ماسانچي اۋىلىندا جاپپاي توبەلەس بولعان.
ق ر پرەزيدەنتى قاسىم- جومارت توقايەۆ وسىعان قاتىستى پىكىر ءبىلدىردى.
«قوعامدىق ءتارتىپتى بۇزعاندار جاۋاپكەرشىلىككە تارتىلادى»، دەپ جازدى مەملەكەت باسشىسى Twitter پاراقشاسىندا.
ال سەنبى، 8 - اقپاندا مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى. مەملەكەت باسشىسىنىڭ تاپسىرماسىمەن قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى.
ىشكى ىستەر ءمينيسترى ەرلان تۇرعىمبايەۆ پەن اقپارات جانە قوعامدىق دامۋ ءمينيسترى داۋرەن ابايەۆ قورداي اۋدانىنداعى جانجالعا قاتىستى وكق- دا باسپا ءسوز ءماسليحاتىن وتكىزدى. «8 ادام كوز جۇمدى. 40-تان استام ادام جاراقات الدى»، - دەدى ىشكى ىستەر ءمينيسترى.
