جامبىل وبلىسىنىڭ قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ تاپسىرماسىن ورىنداۋ ماقساتىندا ق ر پرەمەر- ءمينيسترى اسقار ءماميننىڭ وكىمىمەن جامبىل وبلىسىنىڭ قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى،

دەپ حابارلايدى قازاقپارات primeminister.kz-كە سىلتەمە جاساپ.

ق ر پرەمەر- ءمينيسترىنىڭ ورىنباسارى ب. ساپاربايەۆتىڭ توراعالىعىمەن قۇرىلعان كوميسسيا قۇرامىنا جامبىل وبلىسىنىڭ اكىمى ا. مىرزاحمەتوۆ، ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، قازاقستان حالقى اسسامبلەياسى ءتوراعاسىنىڭ ورىنباسارى ج. تۇيمەبايەۆ، پارلامەنت ءماجىلىسىنىڭ دەپۋتاتى ش. حاحازوۆ جانە «دۇنگەن قازاقستاندىق قوعامى» قوعامدىق بىرلەستىگىنىڭ ءتوراعاسى ا. ۆوينتسە مەن قارجى، يندۋستريا جانە ينفراقۇرىلىمدىق دامۋ ءبىرىنشى ۆيتسە- مينيسترلەرى، اقپارات جانە قوعامدىق دامۋ، ۇلتتىق ەكونوميكا، دەنساۋلىق ساقتاۋ، ءبىلىم جانە عىلىم ۆيتسە- مينيسترلەرى، ىشكى ىستەر، قورعانىس مينيسترلەرىنىڭ ورىنباسارلارى، باس پروكۋرور مەن ۇلتتىق قاۋىپسىزدىك كوميتەتى ءتوراعاسىنىڭ ورىنباسارلارى كىردى.

كوميسسيا الدىندا كيكىلجىڭ سەبەپتەرىن انىقتاۋ، سونداي- اق الەۋمەتتىك- ەكونوميكالىق جانە گۋمانيتارلىق سيپاتتاعى ماسەلەلەردى شۇعىل شەشۋدى قامتاماسىز ەتۋ مىندەتتەرى قويىلدى.