جاقسىلىق ۇشكەمپىروۆ قوردايداعى جانجالعا بايلانىستى حالىقتى سابىرعا شاقىردى
«تاۋەلسىزدىك الىپ، قانداي مەملەكەت ەكەنىمىزدى بۇكىل دۇنيە جۇزىنە تانىتىپ جاتىرمىز. ءبارىمىز تاتۋ- ءتاتتى ءومىر ءسۇرىپ جاتىرمىز. كەشەدەن بەرى جامبىل وبلىسىنداعى وقيعانى ەستىدىم. ەل بولعاننان كەيىن ءارتۇرلى جاعداي بولادى. ءبىزدىڭ بابالارىمىز قانشاما عاسىر بويى قيىنشىلىقتى باسىنان كەشىردى. بابالارىمىزدىڭ ءار ۋاقىتتا ءوزىنىڭ ۇستامدىلىعىمەن، سابىرلىعىمەن، دانالىعىمەن، اۋىزبىرشىلىكپەن ەلدى ۇستاپ وتىرعانىن ۇمىتپاساق دەيمىن»، - دەدى جاقسىلىق ۇشكەمپىروۆ.
قازاقستاننىڭ ەڭبەك ەرى ءوزى ءاردايىم اۋىزبىرشىلىكپەن، ىنتىماقتى قالايتىنىن جەتكىزدى.
«مەن وتىز جاسىمدا وليمپيادا چەمپيونى بولدىم. قانشا جىل سابىرلىلىقتىڭ ارقاسىندا قيىنشىلىقتاردى باستان وتكەردىك. قازاعىمنىڭ مىقتىلىعىنىڭ ارقاسىندا مەن سونداي بيىككە كوتەرىلدىم. سول سەبەپتى ءبارىمىز سابىرلىلىق ساقتاي وتىرىپ، وسىنداي كيكىلجىڭدى بىرگە توقتاتىپ، جاستارعا ۇلگى بولاتىنداي ءسوز ايتىپ، قازاقتىڭ ىنتىماق سۇيگىش ەل ەكەنىن كورسەتۋىمىز كەرەك»، - دەدى ول.
جاقسىلىق ۇشكەمپىروۆ جاستاردىڭ ءوز كەلەشەگىن ويلاۋى كەرەكتىگىن جەتكىزدى.
«ءوزىمىز ءبۇلدىرىپ جاتساق، كەيىنگى بۋىنعا قانداي تاربيە بەرەمىز. بارلىق قيىنشىلىق جاعدايدا سابىرمەن ورتاق شەشىمگە كەلەيىك. ەلىم مەن جۇرتىم امان بولسىن. ۇلكەندى قۇرمەتتەپ وسكەن حالىقپىز. سوندىقتان اقساقالدارىمىزدى تىڭداپ، ءبىر- بىرىمىزگە تەك جاستارعا ۇلگى بولارلىق ءىس كورسەتە ءبىلۋىمىز كەرەك دەپ ويلايمىن. ەلىمىز امان، جۇرتىمىز تىنىش بولسىن»، - دەدى ول.
بۇعان دەيىن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولعانىن حابارلاعان بولاتىنبىز.
كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر ءبىلدىردى.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليتسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter- دەگى پاراقشاسىندا.
ال بۇگىن مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.
اۆتور: ايان بەكەن ۇلى
