07:52, 07 - اقپان 2020 | GMT +5
قازاقستان مەن قىتاي حات، سالەمدەمە الماسۋدى توقتاتتى
نۇر-سۇلتان. قازاقپارات – ق ح ر- دان سالەمدەمەلەر مەن حات جەتكىزۋ ۋاقىتشا توقتاتىلدى. ويتكەنى قازىر قازاقستان مەن قىتاي اراسىنداعى شەكارا جابىلعان، دەپ حابارلايدى «حابار 24».
اۆتوكولىك قوزعالىسىنا، اۋە جانە تەمىر جول قاتىناسىنا ۋاقىتشا تىيىم سالىنعان. دەگەنمەن، دۇنيەجۇزىلىك دەنساۋلىق ساقتاۋ ۇيىمىنىڭ ماماندارى جۇرتتىڭ ۇرەيىن قاشىرعان كوروناۆيرۋس حات ارقىلى جۇقپايدى دەپ سەندىرەدى.
ولار قاۋىپتى ىندەت ادام اعزاسىندا عانا ساقتالادى، ال تۇرمىستىق زاتتار ارقىلى تارالمايدى دەپ وتىر.
