اۋىلدارعا ينتەرنەت تارتۋعا قانشا قاراجات جۇمسالادى
«2020 -جىلى اۋىلدىق جەردە تۇراتىن بارلىق ازاماتتاردى امبەباپ تەلەكوممۋنيكاتسيالار قىزمەتىمەن قامتاماسىز ەتۋ ءۇشىن رەسپۋبليكالىق بيۋدجەتتەن 6,4 ميلليارد تەڭگە قاراستىرىلعان. وتكەن جىلدارى بۇل ماقساتقا 7,4 ميلليارد تەڭگە (2019 -جىلى) جانە 6,18 ميلليارد تەڭگە (2018 -جىلى) بولىنگەن ەدى. بۇل قاراجات اۋىل حالقىنا اناعۇرلىم تومەن تاريفپەن امبەباپ تەلەكوممۋنيكاتسيالار قىزمەتىن كورسەتكەن بايلانىس وپەراتورىنىڭ شىعىندارىن وتەۋگە باعىتتالعان» ، - دەپ جاۋاپ بەردى اسقار مامين دەپۋتات ساۋالىنا.
ونىڭ ايتۋىنشا، جىل سايىنعى اشىق كونكۋرستا جەڭىپ شىققان كەز كەلگەن بايلانىس وپەراتورى امبەباپ قىزمەت كورسەتۋ وپەراتورى بولا الادى.
«بۇل رەتتە 2018 جانە 2019 -جىلدارى امبەباپ بايلانىس وپەراتورىن تاڭداۋ بويىنشا كونكۋرستىق وتىنىمدەر تۇسپەگەندىكتەن، ق ر «بايلانىس تۋرالى» زاڭىنىڭ 33-بابى، 4-بولىگىنە سايكەس، ۋاكىلەتتى ورگان تەلەكوممۋنيكاتسيالاردىڭ امبەباپ قىزمەتىن كورسەتۋ مىندەتتەمەسىن جەتەكشى وپەراتور «قازاقتەلەكوم» ا ق- عا جۇكتەدى» ، - دەپ اتاپ ءوتتى پرەمەر.
سونىمەن بىرگە، اۋىلدىق جەرلەردە ينتەرنەت جەلىسىنە قولجەتىمدىلىك قىزمەتى تەك قانا جەكە تۇلعالار ءۇشىن سۋبسيديالانادى.
«زاڭدى تۇلعالار ءۇشىن، ونىڭ ىشىندە جالپى ءبىلىم بەرەتىن مەكتەپ، دەنساۋلىق ساقتاۋ مەكەمەلەرىنە سۋبسيديالاۋ زاڭ بويىنشا قاراستىرىلماعان» ، - دەدى ۇكىمەت باسشىسى.
