قىتايمەن شەكارالاس وبلىستارداعى كاسىپكەرلەر شىعىنعا باتا باستادى
كوروناۆيرسقا بايلانىستى شىعىس قازاقستان وبلىسىنداعى «مايقاپشاعاي» جانە «باقتى» كەدەن بەكتتەرى قازىر ۋاقىتشا جابىق تۇر. وسىنىڭ كەسىرىنەن اسىرەسە، قىزمەت كورسەتۋ سالاسىنداعى كاسىپكەرلەر تابىسسىز قالدى. ماسەلەن، زايسان قالاسىندا 9 قوناق ءۇي مەن 18 مەيرامحانا بار.
يەلەرىنىڭ ايتۋىنشا، ولارعا كەلەتىن ادامداردىڭ سانى كۇرت ازايعان. ال قىتايدان كيىم- كەشەك جانە شارۋاشىلىق تاۋرالارىن تاسىمالدايتىندار دا تابىسسىز قالاتىن ءتۇرى بار. سوندىقتان كەيبىر كاسىپكەرلەر بۇرىن اكەلگەن تاۋارلارىن ساتۋعا اسىقپاي وتىر. ەسەسىنە ازىق- تۇلىك ساۋدالايتىن كاسىپكەرلەر شەكارانىڭ ۋاقىتشا جابىلعانىن قولداپ وتىر. ەڭ نەگىزگىسى - قاۋىپسىزدىك.
ولار جىل سايىن قىس ايىندا ءبىر جارىم، ءتىپتى ەكى ايعا جەتەتىن ءونىمدى الدىن الا ساتىپ الىپ قويادى. سەبەبى كۇن رايى كۇرت بۇزىلىپ، جول جابىلسا، ازىق- تۇلىك جەتكىزۋ قيىنعا سوعادى. سول ءۇشىن جىلدا قىس ايىندا بىرنەشە ايعا جەتىن ءونىمنىڭ مول قورىن اكەپ قويادى.
ەلەنا بەرەزينسكايا- ابيلوۆا، ايماقتىق ىسكەر ايەلدەر كەڭەسىنىڭ ءتورايىمى:
- ءبىزدىڭ كاسىپكەرلەر كەز كەلگەن قاقاعان قىسقا ۇيرەنىپ العان. ولار قىس ايلارىندا ءوز كاسىپتەرىنە قانشا شىعىن كەلەتىنىن جاقسى بىلەدى. ءدال قازىر جولداردىڭ كوبى بىردە جابىلىپ، بىردە اشىلىپ تۇر. تاۋار ۋاقىتىندا جەتپەۋى مۇمكىن. قاڭتار مەن اقپان تابىستىڭ ەڭ از تۇسەتىن كەزى. ال قىتايدان تاۋار تاسىمالدايتىندار ءۇشىن شەكارانىڭ جابىلۋى بيىل ءدال وسى قاڭتار مەن اقپانعا سايكەس كەلدى.
www.24.kz
