اقىن اباي مۇراسىن دارىپتەۋ گەرمانيادا جالعاستى
اتالمىش ءىس-شاراعا قازاقستان رەسپۋبليكاسىنىڭ گەرمانياداعى توتەنشە جانە وكىلەتتى ەلشىسى داۋرەن كاريپوۆ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ماتىجانوۆ كەنجەحان، ق ر ۇلتتىق كىتاپحاناسىنىڭ ديرەكتورى باقىتجامال وسپانوۆا، ق ر ۇلتتىق اكادەميالىق كىتاپحاناسىنىڭ ديرەكتورى ءۇمىتحان مۇڭالبايەۆا، وبلىستىق كىتاپحانا باسشىلارى، زيالى قاۋىم وكىلدەرى مەن قوعام قايراتكەرلەرى، قازاق دياسپورالارى جانە ستۋدەنت جاستار قاتىستى.
شارادا ءۇمىتحان مۇڭالبايەۆا ادامزات رۋحانياتىنا ۇلەسىن قوسقان ابايدى ۇلىقتاۋ جۇمىستارى جالعاسىن تابۋدا ەكەنىن جەتكىزدى.
«اباي وقۋلارىن» ءبىز بۇگىن گەرمانيا مەملەكەتىندە وتكىزۋدەمىز. عۇلاما عالىمنىڭ ناعىز گۋمانيستىك كوزقاراسىن، تاتۋلىققا، ىنتىماققا، باۋىرمالدىلىققا باستايتىن تەرەڭ بولمىسىن بارشا الەمگە پاش ەتۋ ءبىزدىڭ مىندەتىمىز. ادامزاتتىڭ ابايىنا اينالعان اقىننىڭ عالامداعى تۇعىرى بارعان سايىن بيىكتەپ، ماڭگى جاساي بەرەرى ءسوزسىز»، - دەدى ۇلتتىق اكادەميالىق كىتاپحاناسىنىڭ ديرەكتورى.
