قاسىم- جومارت توقايەۆ ر ف پرەمەر- ءمينيسترى ميحايل ميشۋستيندى قابىلدادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اقوردادا ر ف پرەمەر-ءمينيسترى ميحايل ميشۋستيندى قابىلدادى، دەپ حابارلايدى قازاقپارات ق ر پرەزيدەنتى تەلەراديوكەشەنىنە سىلتەمە جاساپ.

«قۇرمەتتى ميحايل ۆلاديميروۆيچ، ءبىزدىڭ ەلوردامىزعا قوش كەلدىڭىز! ءسىز ۇكىمەت باسشىسى رەتىندەگى العاشقى شەتەلدىك ساپارىڭىزدى قازاقستانعا جاساپ وتىرسىز. ءبىز ءۇشىن ونىڭ ۇلكەن سيمۆوليكالىق ءارى ەۋرازيالىق ەكونوميكالىق وداق اياسىنداعى ستارتەگيالىق ىنتىماقتاستىق جانە ءوزارا ارەكەتتەستىكتى دامىتۋ تۇرعىسىنان العاندا پراكتيكالىق تا ءمانى بار. مەن وسى ءساتتى پايدالانا وتىرىپ، ءسىزدى جوعارى لاۋازىمدى قىزمەتكە تاعايىندالۋىڭىزبەن قۇتتىقتايمىن. سونداي- اق، ءوزىمنىڭ ارىپتەسىم رەسەي فەدەراتسياسىنىڭ پرەزيدەنتى ۆلاديمير ۆلاديميروۆيچ پۋتينگە ىزگى تىلەكتەر مەن سالەم جولداعىم كەلەدى»، - دەدى ق ر پرەزيدەنتى.

سونداي-اق، پرەزيدەنت رەسەي ۇكىمەتىنىڭ باسشىسىنا ەكى ەل سيفرلاندىرۋ سالاسىندا دا ارىپتەستىك ورناتاتىنىنا سەنىم ءبىلدىردى. «مەن ءسىزدىڭ ەۋرازيالىق ەكونوميكالىق وداقتىڭ ۇكىمەتارالىق كەڭەسىنە قاتىسقانىڭىزدى بىلەمىن. فورۋمنىڭ تاقىرىبى وتە وزەكتى: سيفرلاندىرۋ، جاساندى ينتەللەكت. ءبىز قازاقستاندا وسى سالامەن مىقتاپ اينالىسىپ جاتىرمىز. بىزگە سىزدەردىڭ بۇل سالادا مول تاجىريبەلەرىڭىز بارى ءمالىم. سوندىقتان بۇل سالادا دا ىنتىماقتاستىق ورناتامىز دەپ سانايمىز»، - دەدى قاسىم- جومارت توقايەۆ.

ءوز كەزەگىندە ر ف پرەمەر- ءمينيسترى ميحايل ميشۋستين قازاقستان پرەزيدەنتىنە جىلى قارسى الىپ جاتقانىنا جانە ەلورداعا شاقىرعانىنا العىس ايتا وتىرىپ، قاسىم- جومارت توقايەۆتى جەڭىس كۇنى اياسىندا 9 - مامىردا ماسكەۋدە كۇتەتىنىن جەتكىزدى. «رەسەي پرەزيدەنتى ۆلاديمير پۋتيننىڭ دە ىزگى تىلەكتەرى مەن سالەمىن ۇلكەن ىلتيپاتپەن جىتكىزەمىن جانە وسى ءساتتى پايدالانىپ ءسىزدى 9 - مامىر - جەڭىس كۇنىندە ماسكەۋدە كۇتەتىنىمىزدى ەسكە سالا كەتكىم كەلەدى» ، - دەدى ميحايل ميشۋستين. ودان بولەك رەسەي ۇكىمەتىنىڭ باسشىسى ارىپتەسى اسقار مامينمەن ەكى تاراپتىڭ ءوزارا ىنتىماقتاستىعىنىڭ بارلىق سپەكتورىن بارىنشا تەرەڭ تالقىلاعانىن اتاپ ءوتتى.

«رەسەي مەن قازاقستان — باۋىرلاس ەلدەر. ارىپتەستىك، وداقتاستىق قارىم- قاتىناستا. ساۋدا- ەكونوميكالىق جانە ينستيتۋتسيونالدىق ارەكەتتەستىك، ءوڭىرارالىق جانە ىسكەر ورتالاردىڭ بايلانىسى ارتىپ كەلەدى. ءبىزدىڭ ەلدەرىمىز، سونداي- اق، ەۋرازيالىق ەكونوميكالىق ينتەگراتسيا پروتسەسىندە، ۇ ق ش ۇ، ت د م، ش ى ۇ- دا جانە باسقا دا كوپجاقتى فورماتتاردا ماڭىزدى ءرول اتقارادى» دەپ اتاپ ءوتتى.

ءسوز سوڭىندا قازاقستان پرەزيدەنتى جەڭىستىڭ 75 جىلدىعىنا وراي ماسكەۋگە شاقىرۋدى قۋانا قارسى الاتىنىن جەتكىزدى. ايتا كەتەيىك، كەشە الماتىدا ە ا ە و «جاھاندىق ەكونوميكانىڭ تسيفرلىق بولاشاعى» اتتى فورۋمى ءوتتى. فورۋمعا قازاقستان، ارمەنيا، بەلارۋس، قىرعىزستان، رەسەي جانە مولدوۆا پرەمەر- مينيسترلەرى قاتىستى.