21:08, 31 - قاڭتار 2020 | GMT +5
ۇلى بريتانيادا كوروناۆيرۋس جۇقتىرعان العاشقى ەكى جاعداي راستالدى
نۇر- سۇلتان. قازاقپارات – ۇلى بريتانيادا كوروناۆيرۋس جۇقتىرعان العاشقى ەكى جاعداي تىركەلدى، دەپ حابارلايدى BBC ۇلتتىق دەنساۋلىق ساقتاۋ مينيسترلىگىنە سىلتەمە جاساپ.
اۋرۋ جۇقتىرعاندار - ءبىر وتباسى مۇشەلەرى.
بريتاندىق بيلىك ازىرگە دەرتكە شالدىققاندار تۋرالى جانە ولارعا قانداي كومەك كورسەتىپ جاتقانى جايلى تولىق اقپارات بەرگەن جوق.
«ۇلتتىق دەنساۋلىق ساقتاۋ جۇيەسى بۇعان وتە جاقسى دايىندالعان جانە جۇقپالى اۋرۋلارمەن كۇرەسۋگە قابىلەتتى» ، - دەدى انگليانىڭ مەديتسينا قىزمەتىنىڭ باسشىسى كريس ۋيتتي. «قازىر ءبىز ينفەكتسيانىڭ تارالۋىن الدىن الۋ ءۇشىن پاتسيەنتتەردىڭ كىممەن بايلانىستا بولعانىن بارىنشا جىلدام انىقتاۋ ءۇشىن جۇمىس ىستەۋدەمىز» .
كوروناۆيرۋستىڭ ورشۋىنەن 213 ادام كوز جۇمدى، ولاردىڭ كوپشىلىگى - قىتايدىڭ حۋبەي پروۆينتسياسىندا. قىتايدا اۋىرعاندار سانى 10 مىڭعا جۋىق. 18 ەلدە 98 اۋرۋ جۇقتىرۋ جاعدايى تىركەلگەن.
