19:43, 30 - قاڭتار 2020 | GMT +5
پرەزيدەنت «قازاتومونەركاسىپ» باسشىسى عالىمجان ءپىرماتوۆتى قابىلدادى
نۇر- سۇلتان. قازاقپارات - پرەزيدەنت «قازاتومونەركاسىپ» ۇ ا ك» ا ق باسقارما ءتوراعاسى عالىمجان ءپىرماتوۆتى قابىلدادى، دەپ حابارلايدى اقوردا.
كەزدەسۋ كەزىندە عالىمجان ءپىرماتوۆ مەملەكەت باسشىسىنا ۋران ءوندىرۋشى كومپانيانىڭ 2019 -جىلعى جۇمىسىنىڭ نەگىزگى قورىتىندىلارى جانە ونى دامىتۋعا ارنالعان الداعى جوسپارلارى تۋرالى باياندادى.
«قازاتومونەركاسىپ» ۇ ا ك» اكسيونەرلىك قوعامىنىڭ باسقارما ءتوراعاسى ۇجىمدىق باسقارۋ، ەڭبەكتى جانە قورشاعان ورتانى قورعاۋ ماسەلەلەرى كومپانيا جۇمىسىنىڭ باسىم باعىتى ەكەنىن اتاپ ءوتتى.
سونىمەن قاتار قاسىم- جومارت توقايەۆقا كومپانيا ءوزىنىڭ وندىرىستىك جانە قارجىلىق ماقساتتارىن تابىستى جۇزەگە اسىرۋىنىڭ ارقاسىندا الەمدە ۋران ساتۋ بويىنشا قاتارىنان ەكىنشى جىل كوشباسشىلىق ورنىن ساقتاپ قالعانى جايىندا مالىمەت بەرىلدى.
