ەلورداداعى بارلىق اۋە رەيستەرى توقتاتىلدى

نۇر- سۇلتان. قازاقپارات - ەلوردادا اۋەجايىنداعى بارلىق رەيس توقتاتىلدى. بۇل تۋرالى قازاقپارات نۇرسۇلتان نازاربايەۆ اۋەجايىنىڭ باسپا ءسوز حاتشىسى جەڭىس احمەتجانوۆقا سىلتەمە جاساپ حابارلايدى.

«اۋا رايىنىڭ قولايسىزدىعىنا بايلانىستى اۋەجايداعى بارلىق رەيستەر بەلگىسىز ۋاقىتقا توقتاتىلدى»، - دەدى ول اگەنتىك تىلشىسىنە.

ەسكە سالساق، ەلوردادا اقتۇتەك بورانعا بايلانىستى ت ج د ەسكەرتۋ جاسادى.

قالالىق توتەنشە جاعدايلار دەپارتامەنتىنىڭ حابارلاۋىنشا، 27 - قاڭتار كۇنى نۇر- سۇلتاندا قار جاۋىپ، بوران سوعادى. وڭتۇستىك- باتىستان سوققان جەلدىڭ جىلدامدىعى 15-20, كەي جەردە 23-28 م/س جەتۋى ىقتيمال.

ايتا كەتسەك، ەلورداداعى اقتۇتەك بوران 22 - قاڭتاردان 23 - قاڭتارعا قاراعان ءتۇنى باستالعان ەدى. اق تۇتەك بوران مەن قالىڭ قار قالادا قوزعالىستى اۋىرلاتىپ جىبەردى.

سونداي- اق، 27 - قاڭتاردا اۋا رايىنىڭ قولايسىزدىعىنا بايلانىستى قالا مەكتەپتەرىنىڭ ءبىرىنشى جانە ەكىنشى اۋىسىمىنداعى 0-11 (12) سىنىپ وقۋشىلارى مەن كوللەدجدىڭ بارلىق كۋرس ستۋدەنتتەرى ءۇشىن ساباق بولمايدى.