ەلوردادا «ايبىندى التىن وردا» اتتى كورمە اشىلدى
سونىڭ ءبىرى - التىن وردانىڭ 750 جىلدىعىنا وراي ۇيىمداستىرىلعان «ايبىندى التىن وردا» اتتى كىتاپ كورمەسى، دەپ حابارلايدى قازاقپارات ءتىلشىسى.
كورمەدە التىن وردا مەملەكەتىنىڭ قۇرىلۋىن، دامۋ تاريحىن، كۇيرەۋىن باياندايتىن 160-قا جۋىق كىتاپ، فوتوسۋرەتتەر، كارتالار مەن دايەكسوزدەر ۇسىنىلدى.
«تاۋەلسىزدىكتىڭ 10 جىلدىعىندا قازاقستان تاريحىنىڭ 5 تومدىعى شىعارىلدى. سونىڭ ەكىنشى تومىندا قازاقستان مەملەكەتتىلىگىنىڭ قالىپتاسۋى، ونىڭ ىشىندە التىن وردا، ونىڭ قالىپتاسۋى مەن دامۋى، ىدىراۋ سەبەپتەرى مەن العىشارتتارى جانە قازاق حاندىعىنىڭ قۇرىلۋى، ونىڭ التىن وردانىڭ تىكەلەي مۇراگەرى ەكەنى تۋرالى اقپارات بار. قازاقستان مەملەكەتتىلىگىنىڭ تاريحى جوشى حان نەمەسە التىن وردا تۇسىندا عانا قالىپتاسقان جوق، ونىڭ تاريحى تەرەڭدە جاتىر»، - دەيدى ق ر ب ع م مەملەكەت تاريحى ينستيتۋتىنىڭ عىلىمي قىزمەتكەرى قۇندىزاي ەرىمبەتوۆا.
اتالعان كورمە 3 بولىمنەن تۇرادى: التىن وردا مەملەكەتىنىڭ قۇرىلۋى، التىن وردا مەملەكەتىنىڭ دامۋ تاريحى مەن ىدىراۋى جانە ۇلىتاۋ - حاندار مەكەنى.
ەسكە سالا كەتسەك، بۇعان دەيىن ەلوردادا «الەمدى جاقسى جاققا وزگەرت» اتتى كىتاپ جانە فوتوكورمە وتكەنىن جازعان بولاتىنبىز.
اۆتور زارينا قاھارمان
