وڭتۇستىك كورەيا اباي شىعارمالارىمەن تانىسادى
قازاق اقىنىنىڭ تۋىندىلارىن وسى ەلدىڭ ەۋرازيا تۇركولوگيا زەرتتەۋلەر ينستيتۋتى كورەي تىلىنە اۋدارادى. بۇل زەرتتەۋ ۇيىمى ءۇش جىل بۇرىن دوندوك ۋنيۆەرسيتەتىنىڭ جانىنان اشىلعان. وسىندا تۇرىك جانە ازەربايجان جازۋشىلارىنىڭ شىعارمالارى اۋدارىلىپتى.
ينستيتۋت ديرەكتورى و ىن گەننىڭ ايتۋىنشا، كورەيا كەلەسى جىلى ابايعا ارنالعان ادەبي سيمپوزيۋم وتكىزبەك.
- اباي شىعارمالارى كارىستەر ءۇشىن تۇسىنىكتى بولادى دەپ ويلايمىن، ويتكەنى كورەيا دا قيىن وتارلاۋ كەزەڭىن باسىنان وتكەردى. ەلىمىز ۇلتتىق رۋح سەزىمىمەن، حالىقتىق قوزعالىسپەن، رۋحاني مادەنيەتىن ساقتاۋعا باعىتتالعان ارەكەتتەرمەن تانىس. بۇل اباي شىعارمالارىندا جازىلعان. قازاق اقىنى مەن اعارتۋشىسىنىڭ شىعارمالارى قازاقتار مەن كارىستەردى رۋحاني بىرىكتىرۋدىڭ قۇندى كوپىرى بولادى دەپ ويلايمىن. شىعارمالاردى اۋدارۋ وڭاي شارۋا ەمەس، ءبىراق كىتاپ شىعارۋ ودان دا قيىن. ەگەر قازاقستاندىق قورلار بىزگە قولداۋ كورسەتسە، وندا مىندەتىمىز جەڭىل بولار ەدى»، - دەيدى ەۋرازيا تۇركىتانۋ زەرتتەۋلەرى ينستيتۋتىنىڭ ديرەكتورى و ىن گەن.
