عالىمدار ەر ادامنىڭ بەلسىزدىككە شالدىققانىن جۇرىسىنە قاراپ انىقتايتىن بەلگىنى ايتتى
بۇل يمپوتەنسيانىڭ (ەرەكتيلدى ديسفۋنكسيا) بەلگىسى. بۇل جايىندا MedAboutMe اقپارات كوزى حابار تاراتتى. بۇل باعىتتا جۇرگىزىلگەن زەرتتەۋگە 324 ەر-ازامات قاتىسقان. عالىمدار ولاردىڭ اياق الىسىنا نازار اۋدارىپ، ءجۇرىسىن قاداعالاعان. ناقتىراق ءارى تارقاتىپ ايتقاندا، عالىمدار باسقان ەكى قادامىنداعى قاشىقتىقتى (سانتيمەرمەن) بويىنىڭ ۇزىندىعىنا (سانتيمەترمەن) بولگەن. كۇنشىعىس ەلىندە بۇل پارامەتر قارتايۋدىڭ ماڭىزدى ماركەرى سانالاتىن اياقتىڭ بۇلشىق ەتىنىڭ كۇشىن، بالانسىن، يكەمدىلىگىن باعالاۋدا قولدانادى.
سونىمەن قاتار، زەرتتەۋگە قاتىسقانداردىڭ جىنىستىق قىزمەتىن 25 بالدى شكالا بويىنشا قاداعالاعان. 25-22 بالدىق كورسەتكىشتە ەرەكتيلدى ديسفۋنكسيا مۇلدەم بولماعان، ال بەس- جەتى بالدى كورسەتكىش ءينتيمدى ومىرىندە پروبلەماعا تاپ بولعانىن ايعاقتايدى. ەكى قادامىنىڭ قاشىقتىعى ورتاشا ەسەپپەن 153 سانتيمەتردى قۇراعانداردىڭ ادامى قىسقا سانالادى، ال 166 سانتيمەتر قالىپتى سانالادى. ادىمىن قىسقا العانداردىڭ 40 پايىزىنىڭ بەلسىزدىكتەن زارداپ شەگەتىنى انىقتالعان.
بۇرىن جۇرگىزىلگەن زەرتتەۋ ناتيجەسى كورسەتكەندەي، بەلسىزدىككە بەيىم تۇراتىن ادامداردىڭ ادىمىنىڭ قىسقا بولۋى قۋىقتىڭ، ىشەكتىڭ جۇمىس ىستەۋىنە جانە جىنىستىق فۋنكسياعا ىقپال ەتەتىن جامباس بۇلشىق ەتىنىڭ السىزدىگىمەن بايلانىستى بولىپ شىققان. سول سەبەپتى، ەر ادامدارعا جىنىستىق بەلسەندىلىگىن ارتتىرۋ ءۇشىن ءجيى جاتتىعۋلار جاساپ تۇرۋعا كەڭەس بەرگەن.
دەرەككوز: islam.kz
