قازاقستاننىڭ باس تۋى ازا تۇتۋ كۇنىنە وراي تومەن ءتۇسىرىلدى

نۇر- سۇلتان. قازاقپارات - نۇر- سۇلتان قالاسىنىڭ ورتاسىنداعى مەملەكەتتىك تۋ الماتى ماڭىندا ۇشاق اپاتىنان قازا بولعانداردى ازا تۇتۋ كۇنىنە وراي تومەن ءتۇسىرىلدى، دەپ حابارلايدى قازاقپارات.

قازاقستاننىڭ ەڭ ۇلكەن تۋى ەلوردا ورتالىعىندا «اتامەكەن» ەتنو- مەموريالدىق كەشەنى اۋماعىندا ورناتىلعان.

ونىڭ رەسمي اشىلۋى ون جىل بۇرىن ەلوردا كۇنىن مەرەكەلەۋ اياسىندا ءوتتى. تۋدىڭ كولەمى - 450 شارشى مەتر، ال سالماعى 100 كيلوگرامم تارتادى.

ەنى 15, ۇزىندىعى 30 مەترلىك ەلدىڭ باس تۋى جاي كۇندەرى 111 مەتر بيىكتىككە كوتەرىلەدى.

1991 -جىلدان باستاپ تاۋەلسىزدىك العاننان بەرى قازاقستان تاريحىندا ۇلتتىق ازا تۇتۋ كۇنى سەگىز رەت جاريالاندى.

ەسكە سالا كەتسەك، 27 - جەلتوقساندا الماتىدان نۇر- سۇلتانعا باعىت العان Bek Air اۋە كومپانياسىنىڭ ۇشاعى اپاتقا ۇشىراعان بولاتىن.

وسى وقيعاعا بايلانىستى ق ر پرەزيدەنتى قاسىم- جومارت توقايەۆ 2019 -جىلدىڭ 28 - جەلتوقسانىن جالپىۇلتتىق ازا تۇتۋ كۇنى دەپ جاريالادى.