قازاقستاندىقتارعا ق ح ر وقۋ ورىندارى ءبىلىم گرانتىن ۇسىندى
ۇمىتكەرلەر كەلەسى جىلدىڭ 10- قاڭتارىنا دەيىن ءتيىستى قۇجاتتاردى تاپسىرۋى ءتيىس، دەپ حابارلايدى ەلوردا ينفو حالىقارالىق باعدارلامالار ورتالىعىنا سىلتەمە جاساپ.
«قازاقستان رەسپۋبليكاسىنىڭ ءبىلىم جانە عىلىم مينيسترلىگى مەن قىتاي حالىق رەسپۋبليكاسىنىڭ ءبىلىم جانە عىلىم مينيسترلىگىنىڭ اراسىنداعى 2003 -جىلعى 3 - ماۋسىمداعى ءبىلىم جانە عىلىم سالاسىنداعى ىنتىماقتاستىق تۋرالى كەلىسىم شەڭبەرىندە قىتاي ۇكىمەتى قازاقستان ازاماتتارى ءۇشىن باكالاۆريات، ماگيستراتۋرا، دوكتورانتۋرا جانە تاعىلىمداما باعدارلامالارى بويىنشا 86 ءبىلىم گرانتىن ءبولدى»، - دەلىنگەن حابارلامادا.
قويىلاتىن تالاپتار: قازاقستان رەسپۋبليكاسىنىڭ ازاماتى بولۋى ءتيىس؛ باكالاۆرياتقا ۇمىتكەرلەردىڭ ورتا مەكتەپ بىتىرگەنى تۋرالى اتتەستاتى جانە جاس مولشەرى 25 جاسقا دەيىن بولۋى ءتيىس؛ ماگيستراتۋراعا ۇمىتكەرلەردىڭ باكالاۆر دارەجەسى جانە جاس مولشەرى 35 جاسقا دەيىن بولۋى ءتيىس؛ دوكتورانتۋراعا ۇمىتكەرلەردىڭ ماگيستر دارەجەسى جانە جاس مولشەرى 40 جاسقا دەيىن بولۋى ءتيىس؛
ۇمىتكەرلەر باكالاۆر دارەجەسىن الۋ ءۇشىن HSK 3 دەڭگەيدەن كەم ەمەس جارامدى سەرتيفيكاتتى ۇسىنۋى ءتيىس؛ ماگيستراتۋراعا جانە دوكتورانتۋراعا ۇمىتكەرلەر وقۋدى قىتاي تىلىندە تاڭداعان جاعدايدا HSK 4 دەڭگەيدەن كەم ەمەس جارامدى سەرتيفيكاتتى ۇسىنۋى ءتيىس.
«وقۋدا جۇرگەن ۇمىتكەرلەر وقۋ ءبولىمىنىڭ كۋالاندىرعان قىتاي نەمەسە اعىلشىن تىلدەرىندە اۋدارماسى بار، وقۋ كەزەڭىنىڭ اياقتالاتىن كۇنى كورسەتىلگەن، مەكتەپتەن (كوللەدج، ج و و) بەرىلگەن تۇلەك مارتەبەسى تۋرالى نوتاريالدى كۋالاندىرىلعان انىقتامانى ۇسىنادى»، - دەلىنگەن حابارلامادا.
گرانت كەلەسى شىعىستاردى قامتيدى: تەگىن وقۋ؛ باكالاۆريات باعدارلاماسىنا ارنالعان اي سايىنعى ستيپەنديا - $350، ماگيستراتۋراعا - $420، دوكتورانتۋراعا - $490؛ مەديتسينالىق ساقتاندىرۋ؛ جاتاقحانا (نەمەسە جالعا الاتىن تۇرعىن- جايدىڭ تولەمى ايىنا شامامەن $90-140)؛ قىتاي سايتىندا ونلاين- تىركەۋ جانە تولىق قۇجاتتار پاكەتىن قولما- قول قابىلداۋ مەرزىمى - 2020 -جىلعى 10 - قاڭتاردى قوسا العاندا. قۇجاتتار ونلاين جانە قولما- قول قابىلدانادى.
www.24.kz
