قازاقستاننىڭ قۋاتتى بولۋى تۇركى الەمى ءۇشىن ماڭىزدى - قۇرمەتتى كونسۋل
حاليل ۋلۋەر 2011-جىلدان بەرى تۇركياداعى قازاقستاننىڭ قۇرمەتتى كونسۋلى قىزمەتىن اتقارىپ كەلەدى.
«ورتالىق ازيانىڭ ەڭ كونە تاريحي، مادەني تاريحىنا يە قازاقستان تاۋەلسىزدىگىنىڭ 28 جىلدىعى قۇتتى بولسىن. قازاقستان، ارينە، تەك 28 جىلدىق مەملەكەت ەمەس، كونە باعزى تاريحى بار، مۇراسى بار مەملەكەت. الدىمەن، تۇركى الەمىنىڭ اقساقالى - نۇرسۇلتان نازاربايەۆتى، قازاقستان حالقىن جانە پرەزيدەنتىن وسىنداي ۇلىق مەرەكەمەن قۇتتىقتايمىن. قازاقستان نەعۇرلىم قۋاتتى بولسا، تۇركى الەمى دە سوعۇرلىم كۇشتى بولادى. تۇركيانىڭ دا ءال-اۋقاتىنىڭ ارتۋى قازاقستانعا جاقسى دەپ ويلايمىن. ءبىز - جاي عانا دوس مەملەكەتتەر ەمەسپىز، باۋىرلاس حالىقتارمىز. ءتاڭىرى تۇركى الەمىنىڭ ىنتىماق-بىرلىگىن ۇزاعىنان ەتسىن. قازاقستان حالقىنا مول يگىلىك بەرسىن»، - دەدى قۇرمەتتى كونسۋل.
ايتا كەتەيىك، قازاقستاننىڭ تاۋەلسىزدىگى تۇركيانىڭ بىرنەشە قالاسىندا تويلاندى. تاۋەلسىزدىك تويى 11- جەلتوقساندا قازاقستاننىڭ تۇركياداعى ەلشىلىگىنىڭ رەسمي قابىلداۋىمەن باستالدى. رەسمي قابىلداۋعا نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ قازاق وركەسترى مەن «قورقىت اتا» كونە اسپاپتار ساز توبى ارنايى كەلدى.
50 دەن استام قازاقستاندىق ونەرپاز انكارا، نيدە، بۋرسا، نيدە، ساكاريا جانە تۇركيانىڭ ەڭ تانىمال تۋريستىك ايماعى - كاپپادوكيادا ونەر كورسەتتى.
