قىتايدا قازاقستان ۇلتتىق پاۆيلونى اشىلدى

يۋ. قازاقپارات - قىتايدىڭ شىعىسىندا چجەتسزيان پروۆينتسياسىندا ورنالاسقان يۋ قالاسىندا قازاقستان ۇلتتىق پاۆيلونى اشىلدى.

سالتاناتتى شارا قازاقستان رەسپۋبليكاسىنىڭ تاۋەلسىزدىك كۇنى قارساڭىندا ءوتتى، دەپ حابارلايدى «قازاقپارات» ح ا ا مەنشىكتى ءتىلشىسى.

مامانداندىرىلعان كوتەرمە-بولشەك ساۋدا ورتالىعى ق ح ر- دا قازاقستان تاۋارلارىن دارىپتەۋگە ىقپال ەتپەك. وندا قىتايلىق تۇتىنۋشىلار قازاقستاندا كەڭىنەن تانىلعان تانىمال ازىق-تۇلىك جانە توقىما ونىمدەرىن ساتىپ الا الادى. ولاردىڭ اراسىندا «سۇلتان» مەن «ايان» ماركالارىنىڭ ماكاروندارى، «راحات» پەن «بايان سۇلۋ» كونديتەرلىك ونىمدەرى، «Dala» تابيعي شىرىندارى، شىعىس قازاقستاننان اكەلىنگەن بال جانە «Caspi Lana Atyrau» تۇيە جۇنىنەن جاسالعان كورپەلەرى بار.

قازاقستان ونىمدەرى قىتايدا تانىمالدىققا يە بولىپ جاتىر، دەپ اتاپ ءوتتى ءبىرقاتار قىتايلىق رەيتەلەر كومپانياسىنىڭ وكىلدەرى. ولار ق ر- دان ق ح ر- عا اكەلىنەتىن تاۋارلاردىڭ رەسمي ديستريبيۋتەرى بولۋعا دايىن ەكەندىكتەرىن جەتكىزدى.

قازاقستان ۇلتتىق پاۆيلونى شاڭحايداعى ق ر باس كونسۋلدىعى مەن «El Tregi» قاۋىمداستىعىنىڭ قولداۋىمەن اشىلدى. قازىرگى ۋاقىتتا قازاقستاننان تاۋارلار جەتكىزۋ قۇنىن تومەندەتۋ بويىنشا قىتاي لوگيستيكالىق جانە بروكەرلىك كومپانيالارىمەن جۇمىستار جۇرگىزىلۋدە.