سەمەيدە دومبىراشى روبوت «جىل تاڭداۋى» اتاندى
ماراپاتتاۋ ءراسىمى «جىل تاڭداۋى-2019» جاستار فورۋمى اياسىندا ءوتتى. فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ 10-سىنىپ وقۋشىسى نۇربول ماقتايەۆ پەن ميراس مۇراتقانوۆ سەمەي اكىمى ەرماق ءسالىموۆتىڭ قولىنان «مەملەكەتتىك جاستار ساياساتىن ىسكە اسىرۋعا قوسقان ۇلەسى ءۇشىن» سىيلىعىن الدى.
«ۇستازىمىز باقىتبەك ورىنبايەۆتىڭ باسشىلىعىمەن جاسالعان جوبامىزدىڭ جەڭىس اكەلگەنى ءۇشىن قۋانىشتىمىز. ءبىز بۇگىن جۇمىسىمىز ەلەۋسىز قالمايتىنىن سەزدىك. وسى شارانىڭ ۇيىمداستىرۋشىلارىنا جانە وسى فورۋمعا قاتىسۋعا كەڭەس بەرگەن جوبانىڭ جەتەكشىسىنە العىس ايتامىز»، - دەدى مەكتەپ وقۋشىلارى.
قالا اكىمى بالالاردى جەڭىسىمەن قۇتتىقتاپ، تابىس تىلەدى.
ەسكە سالايىق، ميراس پەن نۇربولعا دومبىرانىڭ قۇلاعىندا ەركىن وينايتىن روبوتتى قۇراستىرۋ ءۇشىن ءبىر اي ۋاقىت بەرىلگەن.
