الماتى كارديولوگتارى جۇرەكتى توقتاتپاي كۇردەلى وتا جاسادى

الماتى. قازاقپارات - الماتى كارديولوگتارى قىزىلوردا وبلىستىق كوپسالالى اۋرۋحاناسىنىڭ بازاسىندا جۇرەگى اۋىراتىن ءۇش پاتسيەنتكە كۇردەلى وتا جاسادى، دەپ حابارلايدى قازاقپارات ءتىلشىسى. 

42 جاستاعى ەر ادام ميوكارد ينفاركتىمەن تۇسكەن. شەبەرلىك ساعاتىن وتكىزۋ ءۇشىن قىزىلورداعا كەلگەن الماتى كارديولوگتارى جۇرەكتى توقتاتپاستان جۇرەك تامىرلارىن اۋىستىردى.

تامىردى اۋىستىرۋ ءۇشىن ناۋقاستىڭ اياعىنداعى تامىر كەسىلىپ الىندى. ەكىنشى ناۋقاس - 29 جاستاعى ايەل 3-دارەجەلى ميترالدى قاقپاقشانىڭ جەتىسپەۋشىلىگى دەرتىمەن اۋىرادى. ءتىپتى وسى كەسەلى ءۇشىن جۇكتىلىكتى ۇزۋگە تۋرا كەلگەن.

ناۋقاس ايەلدىڭ جۇرەگىنە پلاستيكالىق وتا جاسالدى. ايەلدىڭ ءوز قاقپاقشاسى ساقتالدى. وتا ءساتتى وتكەندىكتەن، ايەل بولاشاقتا بالا كوتەرىپ، امان- ەسەن بوسانا الادى. «ءۇشىنشى ناۋقاس - 50 جاستاعى ەر ادام اورتانىڭ جوعارعى بولىگىنىڭ انيەۆريزماسى دەگەن دياگنوزبەن تۇسكەن. ناۋقاسقا بەنتالل دە بونو وتاسى جاسالدى. ياعني، اورتالدى قاقپاقشاعا پروتەز سالىنىپ، اورتوكورونارلى شۋنت سالىندى. بۇل دياگنوزدىڭ قاۋپى جوعارى، سەبەبى كەز كەلگەن ۋاقىتتا پاتسيەنت قايتىس بولىپ كەتۋى مۇمكىن»، - دەدى قالالىق كارديوحيرۋرگيا ورتالىعىنىڭ مەڭگەرۋشىسى نۇرسان سۇراشەۆ. مامانداردىڭ ايتۋىنشا، ءۇش پاتسيەنت تە بولاشاقتا سالاۋاتتى ءومىر سالتىن ساقتاپ، سپورتپەن اينالىسا الادى.

اۆتور: گۇلميرا عوسمانالي