قاسىم-جومارت توقايەۆ: ۋكراينامەن ءبىزدى ءداستۇرلى دوستىق جانە ىنتىماقتاستىق بايلانىستىرادى
«تۇڭعىش پرەزيدەنتىمىز ۋكراينا ماسەلەسىن قازاقستان اۋماعىندا رەتتەۋگە قاتىستى ءوزىنىڭ يگى ويىن ءبىلدىردى. دەگەنمەن ءبىز ۋكراينا ماسەلەسى، ەڭ الدىمەن، نورماند فورماتىندا شەشىلۋى ءتيىس دەپ ويلايمىز»، - دەدى مەملەكەت باسشىسى رەسەيلىك-ۋكرايندىق سامميتتى ۇيىمداستىرۋعا اراعايىندىق جاساۋ مۇمكىندىگى تۋرالى سۇراققا جاۋاپ بەرە وتىرىپ.
گەرمانيا، رەسەي، ۋكراينا، فرانسيانىڭ مەملەكەت باسشىلارىنىڭ ۋكراينا شىعىسىنداعى جاعدايدى رەتتەۋ جونىندەگى كەزدەسۋى پاريجدە 9- جەلتوقساندا وتكىزىلەدى.
«9- جەلتوقسان كۇنى پاريجدە وتەتىن نورماند فورماتىنداعى كەزدەسۋگە تابىس تىلەيمىز. قازاقستان مەن ۋكراينانىڭ اراسىندا ءداستۇرلى دوستىق پەن ىنتىماقتاستىقتىڭ بەرىك ءتىنى بۇرىننان قالىپتاسقان. ۋكراينا حالقى بەيبىت تە بەرەكەلى ءومىر سۇرۋگە لايىق دەپ ەسەپتەيمىز»، - دەدى قازاقستان پرەزيدەنتى.
