قۇرمانعازى اتىنداعى وركەستر بەيجىڭدە كونسەرت بەرەدى

بەيجىڭ. قازاقپارات - قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى قىتاي استاناسىندا ۇلتتىق ورىنداۋ ونەرى ورتالىعى (ۇ و ءو و، ۇلكەن ۇلتتىق تەاتر) ساحناسىندا «ۇلى دالا سازى» اتتى كونسەرت بەرەدى، دەپ حابارلايدى «قازاقپارات» ح ا ا مەنشىكتى ءتىلشىسى ۇ و ءو و اكىمشىلىگىنە سىلتەمە جاساپ.

قازاق وركەسترى 5 -جەلتوقساندا «الەمدىك مۋزىكا توپتاماسى» جوباسى اياسىندا ونەر كورسەتەدى. كونتسەرتتىك باعدارلامادا قازاق جانە شەتەلدىك كومپوزيتورلاردىڭ - قۇرمانعازى، تۇركەش، ن. تىلەندييەۆ، داۋلەتكەرەي، اباي، موتسارت، برامسا جانە تاعى باسقالاردىڭ تۋىندىلارى كورەرمەنگە پاش ەتىلمەك. قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى باتىرجان مىقتىبايەۆ پەن فارحات كۋبيەۆ، حالىقارالىق كونكۋرس لاۋرەاتتارى - ايزادا قاپونوۆا، ارداق يتەكەيەۆا، رۋسلان بايمۇحاتوۆ جانە ءادىل ەربولات ونەر كورسەتەدى.

ۇ و ءو و حالىقارالىق ىنتىماقتاستىق ءبولىمىنىڭ مەنەدجەرى گاو جۋيسيۋە «قازاقپارات» ح ا ا- عا بەرگەن سۇحباتىندا «الەمدىك مۋزىكا توپتاماسى» جوباسىن 2010 -جىلى ۇلتتىق ورىنداۋ ونەرى ورتالىعىنىڭ باستاماشىلىق ەتكەنىن حابارلادى. ونىڭ اياسىندا 50 ەلدىڭ شىعارماشىلىق ۇجىمىنىڭ قاتىسۋىمەن 120 كورىنىس قويىلدى.

بەيجىڭدەگى قۇرمانعازى وركەسترىنىڭ كونسەرتى قازاقستان رەسپۋبليكاسى مادەنيەت جانە سپورت مينيسترلىگى مەن قازاقستان رەسپۋبليكاسىنىڭ قىتايداعى ەلشىلىگىنىڭ قولداۋىمەن وتەدى.

ۇلكەن ۇلتتىق تەاتر دەپ اتالاتىن ۇلتتىق ورىنداۋ ونەرى ورتالىعى بەيجىڭدەگى تيانانمىن الاڭىنا جانە حالىق جينالىسى ۇيىنە جاقىن دەرگە ورنالاسقان. تەاتردىڭ ءۇش نەگىزگى زالىنا 6,5 مىڭ كورەرمەن سىيادى.

اۆتورى: رۋسلان سۇلەيمەنوۆ