قازاق عالىمدارى جول قۇرىلىسى سالاسىنداعى جاڭا ازىرلەمەلەرىن ۇسىندى
حالىقارالىق شارا «قازاۆتوجول - Kaztraffic» حالىقارالىق مامانداندىرىلعان كورمەسى اياسىندا ۇيىمداستىرىلدى. ال جىل سايىن ءداستۇرلى تۇردە ۇيىمداستىرىلاتىن كورمەدە جول جانە تۇرعىن ءۇي- كوممۋنالدىق شارۋاشىلىعى سالاسىندا كەڭىنەن قولدانىلاتىن ونىمدەر ۇسىنىلعان.
«ءدال وسى كورمەدەن كاسىپورىندارىمىز بەن مەملەكەت ءۇشىن ۇلكەن پايدا بار. بۇل جەردە ءبىزدىڭ كليماتتىق جاعدايىمىزعا ساي كەلەتىن جاڭا تەحنولوگيالار ۇسىنىلعان»، - دەدى ب ا ق وكىلدەرىنە سۇحبات بەرگەن «ۇلتتىق جول اكتيۆتەرىنىڭ ساپاسى ورتالىعى» شارۋاشىلىق جۇرگىزۋ قۇقىعىنداعى رمك باس ديرەكتورى زامير ساعىنوۆ.
ونىڭ اتاپ وتۋىنشە، كورمەدە جول قۇرىلىسى سالاسىنداعى ەڭ زاماناۋي تەحنولوگيالار ۇسىنىلعان. ولاردىڭ قاتارىندا وزدەرىنىڭ تىڭ ازىرلەمەلەرىن ۇسىنعان وتاندىق كاسىپورىندار دا بار.
«قازاق جول عىلىمي- زەرتتەۋ ينستيتۋتى ءوز تەحنولوگياسىن ۇسىنىپ وتىر. عالىمدار ءبىزدىڭ كومىرىمىزدىڭ بازاسىندا نانوتەحنولوگيالار ەنگىزگىسى، كومىردى بيتۋمعا قوسپا رەتىندە جانە جاعارماي ماتەريالى رەتىندە قولدانعىسى كەلەدى. بۇل تەحنولوگيانى ەنگىزۋ بويىنشا تولىق سىزبا ازىرلەنگەن»، - دەدى ول.
اۆتور: مارلان جيەمباي
