ق ر پرەزيدەنتىنىڭ قاتىسۋىمەن ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى باستالدى
سەسسيا جۇمىسىنا قازاقستان پرەزيدەنتى قاسىم-جومارت توقايەۆ، قىرعىزستان پرەزيدەنتى سوورونباي جەەنبەكوۆ، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، بەلارۋس پرەزيدەنتى الەكساندر لۋكاشەنكو، ارمەنيا پرەمەر-ءمينيسترى نيكول پاشينيان قاتىسىپ جاتىر.
ۇيىمعا مۇشە مەملەكەتتەردىڭ باسشىلارى ۇيىم قىزمەتى اياسىندا ءوزارا ءىس- قيمىلدىڭ كەڭ اۋقىمدى ماسەلەلەرىن تالقىلايدى. سونىمەن بىرگە، بيىلعى جىلعى ۇيىم قىزمەتتىنىڭ باسىم باعىتتارىن ىسكە اسىرۋدىڭ قورىتىندىسىن شىعارادى دەپ كۇتىلۋدە. سونداي-اق، ۇجىمدىق قاۋىپسىزدىك كەڭەسى جەڭىستىڭ 75 جىلدىعىن مەرەكەلەۋ جونىندەگى ءىس-شارالار جوسپارىن، 2019-2021 -جىلدارعا ارنالعان ب ۇ ۇ-نىڭ تەرروريزمگە قارسى جاھاندىق ستراتەگياسىن ىسكە اسىرۋ جونىندەگى ۇيىم ەلدەرىنىڭ ۇجىمدىق ءىس-قيمىل جوسپارىن، تاجىك- اۋعان شەكاراسىنداعى شيەلەنىستى ازايتۋعا باعىتتالعان قوسىمشا شارالار تىزبەسىن بەكىتۋدى جوسپارلاپ وتىر.
سەسسيا وتىرىسىنان كەيىن قورتىندى قۇجاتتارعا قول قويۋ ءراسىمى وتەدى دەپ كۇتىلۋدە.
ەسكە سالا كەتەيىك، 27 -قاراشا كۇنى بىشكەكتە ق ر سىرتقى ىستەر جانە قورعانىس مينيسترلەرى ۇ ق ش ۇ ەلدەرى كەڭەسىنىڭ بىرلەسكەن وتىرىسى ءوتتى.
ۇجىمدىق قاۋىپسىزدىك كەڭەسىنىڭ قىزمەتى، ۇ ق ش ۇ ورگاندارى راسىمدەرىنىڭ ەرەجەلەرى، سونداي-اق ۇيىمنىڭ باس حاتشىسىن تاعايىنداۋ راسىمىنە بايلانىستى ۇ ق ش ۇ قۇقىقتىق قۇجاتتارىنا وزگەرىستەر ەنگىزۋ تۋرالى ماسەلەلەر قارالدى.
«بىرلەسكەن وتىرىس سىندارلى تۇردە جانە ءداستۇرلى دوستىق اتموسفەرادا ءوتتى. كەلىسىلگەن قۇجاتتار 28 قاراشادا بىشكەكتە وتەتىن ۇ ق ش ۇ مەملەكەت باسشىلارى قاتىساتىن ۇجىمدىق قاۋىپسىزدىك كەڭەسىنىڭ سەسسياسىنا تۇپكىلىكتى قاراۋعا جانە بەكىتۋگە شىعارىلاتىن بولادى»، - دەلىنگەن ق ر سىرتقى ىستەر مينيسترلىگى باسپا ءسوز قىزمەتىنىڭ مالىمەتىندە.
ۇ ق ش ۇ 2002 -جىلى قۇرىلعان جانە قۇرامىنا قازاقستان، ارمەنيا، بەلارۋس، قىرعىزستان، رەسەي جانە تاجىكستان كىرەتىن حالىقارالىق ايماقتىق ۇيىم بولىپ سانالادى.
اۆتور: رۋسلان عابباسوۆ
