قازاق- قىرعىز قاتىناسىن دامىتۋعا ەلباسى باعا جەتپەس ۇلەس قوستى - قاسىم-جومارت توقايەۆ

نۇر-سۇلتان. قازاقپارات - بۇگىن بىشكەكتەگى ساپارى بارىسىندا ق ر پرەزيدەنتى قاسىم-جومارت توقايەۆ قازاق- قىرعىز قاتىناسىن دامىتۋداعى ەلباسى نۇرسۇلتان نازاربايەۆتىڭ ماڭىزدى ءرول اتقاراتىندىعىن اتاپ ءوتتى، دەپ حابارلايدى قازاقپارات ءتىلشىسى.

«ەكى ەل اراسىنداعى قاتىناستاردى قالىپتاستىرۋعا جانە دامىتۋعا قازاقستاننىڭ تۇڭعىش پرەزيدەنتى- ەلباسى نۇرسۇلتان ءابىش ۇلى نازاربايەۆ باعا جەتپەس ۇلەس قوستى. بۇگىنگى ساپار باراسىندا ەلباسىنىڭ جىلى لەبىزىن قىرعىزستان پرەزيدەنتىنە جەتكىزدىم. ءبىز ءسىزدىڭ (سوورونباي جەەنبەكوۆتىڭ) قازاق-قىرعىز ءوزارا ءىس-قيىمىلى مەن ىنتىماقتاستىعىن ىلگەرىلەتۋگە جانە دامىتۋعا قوسقان ۇلەسىڭىزدى جوعارى باعالايمىز»، - دەدى قاسىم-جومارت توقايەۆ جوعارى مەملەكەتارالىق كەڭەستىڭ بەسىنشى وتىرىسىندا.

مەملەكەت باسشىسى بۇگىنگى وتىرىستىڭ كۇن ءتارتىبى اۋقىمدى ەكەنىن جانە ەكىجاقتى ىنتىماقتاستىقتىڭ ماڭىزدى سالالارىن قامتىپ وتىرعانىن اتاپ ءوتتى.

«نەگىزىنەن، شاعىن قۇرامداعى كەزدەسۋدە ەڭ وزەكتى ماسەلەلەردى تالقىلادىق»، - دەدى قاسىم- جومارت توقايەۆ.

اۆتور: رۋسلان عابباسوۆ