قىرعىزستان پرەزيدەنتىمەن ءبىرقاتار كەلىسىمدەرگە قول جەتكىزدىك - قاسىم-جومارت توقايەۆ
بۇل تۋرالى بىشكەكتە قازاقستان رەسپۋبليكاسى مەن قىرعىز رەسپۋبليكاسى جوعارى مەملەكەتارالىق كەڭەسىنىڭ وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
قازاقستان پرەزيدەنتى باۋىرلاس قىرعىز جەرىندە ىستىق ىقىلاسپەن قارسى الىپ، جىلى قوناقجايلىلىق كورسەتكەنى ءۇشىن العىس ايتتى.
«ءسىزدىڭ قىرعىز ەلىنە مەملەكەتتىك ساپارمەن كەلۋگە شاقىرۋىڭىزدى زور ريزاشىلىقپەن قابىل الدىم. بۇل سوڭعى جارتى جىلداعى ءبىزدىڭ ءۇشىنشى كەلىسسوزدەرىمىز. وسىنداي تىعىز جۇمىستىڭ ناتيجەسىنە كەڭ اۋقىمدى باعىتتار بويىنشا ەكىجاقتى بايلانىستاردىڭ جاندانۋى - ەلدەرىمىزدىڭ جاقىنداسۋىنا جانە حالىقتارىمىزدىڭ ءال- اۋقاتىن جاقسارتۋعا وڭ ىقپال ەتەرىنە كامىل سەنەمىن. وسىعان دەيىن شاعىن قۇرامدا ءبىز ماڭىزدى ماسەلەلەردى تالقىلاپ، ءبىرقاتار كەلىسىمدەرگە قول جەتكىزدىك»، - قاسىم-جومارت توقايەۆ.
«قازىر ءوتىپ جاتقان جوعارى مەملەكەتارالىق كەڭەستى مەملەكەتتەرىمىز اراسىنداعى ستراتەگيالىق سەرىكتەستىكتى ودان ءارى نىعايتۋدىڭ تاعى ءبىر تاماشا مۇمكىندىگى دەپ بىلەمىن»، - دەدى مەملەكەت باسشىسى.
اۆتور: رۋسلان عابباسوۆ
