توقايەۆتىڭ ديپلوماتيالىق ميسسيالار باسشىلارىمەن كەزدەسۋىنىڭ تولىق ۆيدەوسى جاريالاندى
كەشە قاسىم-جومارت توقايەۆ قازاقستاندا اككرەديتتەلگەن شەت ەلدەردىڭ ديپلوماتيالىق ميسسيالارىنىڭ باسشىلارىمەن كەزدەسكەن ەدى.
جيىندا مەملەكەت باسشىسى نۇرسۇلتان نازاربايەۆتىڭ سىرتقى ساياسي ستراتەگياسىنىڭ ساباقتاستىعى ساقتالاتىنىن جەتكىزدى.
«ەرەكشە اتاپ وتكىم كەلەتىنى، ەلباسى نۇرسۇلتان نازاربايەۆتىڭ سىرتقى ساياسي ستراتەگياسىنىڭ ساباقتاستىعى ساقتالادى جانە ودان ءارى دامي تۇسەدى. ەلباسى - مەملەكەتىمىزدىڭ نەگىزىن قالاۋشى، زامانىمىزدىڭ كورنەكتى ساياساتكەرى. ول جاھاندىق انتيادرولىق قوزعالىسقا، حالىقارالىق قاۋىپسىزدىكتى نىعايتۋعا ولشەۋسىز ۇلەس قوستى»، - دەدى قاسىم-جومارت توقايەۆ.
مەملەكەت باسشىسى رەسەي، قىتاي جانە ورتالىق ازيا ەلدەرىمەن ىنتىماقتاستىق تۋرالى پىكىر ءبىلدىردى. سونداي-اق، قاسىم-جومارت توقايەۆ قازاقستاندا بىرىككەن ۇلتتار ۇيىمىنىڭ ورنىقتى دامۋ ماقساتتارى ورتالىعىن اشۋدى ۇسىندى.
ق ر پرەزيدەنتى قاسىم-جومارت توقايەۆتىڭ سويلەگەن ءسوزىنىڭ تولىق نۇسقاسىمەن مىنا سىلتەمە ارقىلى تانىسا الاسىز.
